Followers

Saturday, October 1, 2011

ഈ നിര്‍ദ്ദേശങ്ങള്‍ സ്ത്രീകളുടെയും കുട്ടികളുടെയും ക്ഷേമത്തിനോ?!!, ഉന്മൂലനത്തിനോ ??!!!!



സ്ത്രീകളെ, കുട്ടികളെ നമ്മുടെ  ക്ഷേമത്തിന്  മാത്രമായിതാ നമ്മുടെ സ്വന്തം നിയമം.!! 

ഞങ്ങളുടെ നാട്ടിലെ അയ്യര്‍ വൈദ്യരുടെ കഥ  പറഞ്ഞു വിഷയത്തിലേക്ക് വരാം. നാട്ടുകാരുടെ കണ്ണിലുണ്ണിയായ അയ്യര്‍ വൈദ്യര്‍,  ഏതു വിധ രോഗങ്ങളുടെയും ചികിത്സാരിയും  കൂടിയാണ്. അയ്യര്‍ക്കു സര്‍ജറിയിലും നല്ല വൈദഗ്ദ്യമുണ്ട്.  വിരലില്‍ കുരുവുമായി വന്നാല്‍ വിരല്‍ മുറിക്കും, കാല് വേദനക്ക്  ചികിത്സ കാല് മുറി തന്നെ., ഇതൊക്കെയാണ് ചികിത്സാമുറകള്‍.

ആയിടക്കാണ്‌ നാട്ടിലൊരാള്‍   കലശലായ തലവേദനയുമായി  ബുദ്ധിമുട്ടുന്നത് നാട്ടുകാരുടെ  ശ്രദ്ദയില്‍ പെടുന്നത്. (വൈദ്യരുടെ ചികിത്സാമുറകളെ കുറിച്ച്  ഏകദേശ ധാരണയുള്ള രോഗി, രോഗ വിവരം വളരെ ഗോപ്യമാക്കി വച്ചതായിരുന്നു.) ഏറെ ഒത്തൊരുമയോടെ കഴിയുന്ന നാട്ടുകാര്‍ ഓരോരുത്തരും മറ്റുള്ളവരുടെ ഓരോ കാര്യത്തിലും ഏറെ ജാഗജൂഗരും ശ്രദ്ധാലുക്കലുമാണ്‌.   വൈദ്യരെ പോലെ,  നാട്ടിലെ എല്ലാ കാര്യവും തീരുമാനിക്കുന്നത് നാട്ടു മുഖ്യനും നാട്ടുകൂട്ടവുമാണ്., നാട്ടു മുഖ്യന്റെ തീരുമാനം നാടിന്റെ  അവസാന വാക്കും., നാട്ടുകാര്‍  നാട്ടുമുഖ്യനെ രോഗവിവരം അറിയിച്ചു., അദ്ദേഹം കൂടുതലൊന്നും  ആലോചിച്ചില്ല., പ്രശ്നം നാട്ടുവൈദ്യന് റെഫര്‍ ചെയ്തു. നാട്ടിലെ കീഴ്വഴക്കം അതാണല്ലോ.,


വൈദ്യരുടെ മെഡിക്കല്‍ വിംഗ്  കൂടി വിഷയം അതിഗൌരവതരമായി ചര്‍ച്ച ചെയ്തു. ചികിത്സ നിര്‍ദ്ദേശിച്ചു. തല മുറിച്ചു മാറ്റുക., അതാണ്‌ തലവേദനക്കുള്ള  ശാശ്വത പരിഹാരം.  നാട്ടുമുഖ്യനടക്കം നാട്ടുകൂട്ടവും നാട്ടുകാരും  ഒന്നടങ്കം ചികിത്സക്ക് അംഗീകാരം നല്‍കി. ഏറ്റവും നല്ല ചികിത്സ. അങ്ങനെ രോഗിയെ വൈദ്യര്‍ ചികിത്സിച്ചു, ത,ല വെട്ടിമാറ്റി, അതോടെ അയാളുടെ തലവേദന എന്നെന്നേക്കുമായി മാറി. മാത്രമല്ല, പിന്നെ ഞങ്ങളുടെ നാട്ടില്‍ ആര്‍ക്കും തലവേദന വന്നതായും കേട്ടിട്ടില്ല.




കേരളത്തിലെ സ്ത്രീകളുടെയും കുട്ടികളുടെയും ക്ഷേമം എങ്ങനെയൊക്കെ ആവണമെന്ന് തീര്‍ച്ചയാക്കി. സ്ത്രീകളുടെയും കുട്ടികളുടെയും ക്ഷേമത്തിന് വേണ്ടതെല്ലാം ഉള്‍കൊള്ളുന്ന പുതിയ നിയമത്തിന്റെ കരട് മുന്‍ ചീഫ് ജസ്റീസ് വി. ആര്‍. കൃഷ്ണയ്യരും കൂട്ടരും ചേര്‍ന്ന് തയ്യാറാക്കി കേരളത്തിന്റെ മുഖ്യമന്ത്രിയുള്‍പ്പെടുന്ന  മന്ത്രിപ്പടക്ക് കൈമാറിയ വാര്‍ത്ത‍ മലയാളത്തിലെ എല്ലാ വാര്‍ത്താമാധ്യമങ്ങളും ഏറെ പ്രാധാന്യത്തോടെ റിപ്പോര്‍ട്ട് ചെയ്തു.
ആ വാര്‍ത്തയുടെ മനോരമ പ്പതിപ്പ് താഴെ.


"രണ്ടു കുട്ടികളില്‍ കൂടുതലുള്ള ദമ്പതികള്‍ക്ക് ധനസഹായം നല്‍കരുതെന്ന് വ്യവസ്ഥ ചെയ്യുന്ന നിയമത്തിന്റെ കരടു സര്‍ക്കാരിനു സമര്‍പ്പിച്ചു. രണ്ടിലതികം കുട്ടികള്‍ വേണമെന്ന് ബോധപൂര്‍വ്വം നിലപാട് സ്വീകരിക്കുന്നവര്‍ക്ക് 10000 രൂപ വരെ പിഴയും മൂന്നു മാസത്തെ തടവും നല്‍കണമെന്നും സ്ത്രീകളുടെയും കുട്ടികളുടെയും ക്ഷേമത്തിനായുള്ള (?!)കേരള വിമന്‍സ് കോഡ്‌ ബില്‍ ശുപാര്‍ശ ചെയ്യുന്നു.

ഇതടക്കം ജനസംഖ്യാ നിയന്ത്രണത്തിനുള്ള വ്യവസ്ഥകള്‍ കര്‍ശനമാക്കണമെന്നു  ശുപാര്‍ശ ചെയ്യുന്ന ബില്‍ ജസ്റ്റീസ് വി.ആര്‍. കൃഷ്ണയ്യര്‍ അധ്യക്ഷനായ സമിതിയാണ് തയ്യാറാക്കിയത്. കരടു ബില്ലിന്റെ ആദ്യ അധ്യായത്തിലാണ് വിവാദ ശുപാര്‍ശകള്‍. കുടുംബത്തില്‍ രണ്ടു കുട്ടികളെന്ന വ്യവസ്ഥ സംസ്ഥാനത്തിന്റെ പൊതു കുടുംബനയമായി അംഗീകരിക്കണം. രണ്ടു കുട്ടികളില്‍ കൂടുതലുള്ള ദമ്പതികള്‍ക്ക് സര്‍ക്കാര്‍ ധനസഹായം ഉള്‍പ്പെടെയുള്ള ആനുകൂല്യങ്ങള്‍ നിഷേധിക്കണം. രണ്ടു കുട്ടികളെന്ന വ്യവസ്ഥ ലംഘിക്കാന്‍ പ്രേരിപ്പിക്കുകയോ കൂടുതല്‍ കുട്ടികള്‍ വേണമെന്ന് പ്രചരിപ്പിക്കുകയോ ചെയ്യുന്ന വ്യക്തികള്‍, സ്ഥാപനങ്ങള്‍, സമുദായങ്ങള്‍ എന്നിവരെ ശിക്ഷാനടപടിക്ക് വിധേയരാക്കണം. നിയമങ്ങള്‍ക്ക് അനുസൃതമായി സുരക്ഷിതമായ ഗര്‍ഭചിദ്രം അനുവദിക്കണമെന്നാണ് ബില്ലിലെ മറ്റൊരു പ്രധാന വ്യവസ്ഥ. എല്ലാ ആശുപത്രികളിലും ഇതിനുള്ള സൗകര്യം ലഭ്യമാക്കണം. ഗര്‍ഭ നിരോധനത്തിനുള്ള മാര്‍ഗ്ഗങ്ങള്‍ വിവാഹ വേളയില്‍ തന്നെ സൌജന്യമായി ലഭ്യമാക്കണം. വിവാഹമോചന കേസുകള്‍ ഇരുകൂട്ടരുടെയും സമ്മതത്തോടെ കുടുംബ കോടതിക്ക് പുറത്തു തീര്‍പ്പാക്കാന്‍ മര്യാജ് ഓഫിസറെ നിയമിക്കണം. കരട് ബില്‍ ജസ്റ്റീസ് വി. ആര്‍. കൃഷ്ണയ്യര്‍ മുഖ്യമന്ത്രി ഉമ്മന്‍ചാണ്ടിക്ക് കൈമാറി. (മലയാള മനോരമ 25 - 09 - 2011 )" 

ഏതാണ്ടെല്ലാ പത്രങ്ങളും ഇതേ ആശയത്തില്‍ തന്നെയാണ് ആ വാര്‍ത്ത പ്രസിദ്ധീകരിച്ചത്.


ഈ നിര്‍ദ്ദേശങ്ങളിലെ പ്രധാനപ്പെട്ട കാര്യം ഒരു കുടുംബത്തില്‍ കുട്ടികള്‍ രണ്ടുമതി എന്നതാണ്. രണ്ടില്‍ കൂടുതല്‍ കുട്ടികളുണ്ടാകുന്നത് സ്ത്രീകളുടെയും കുട്ടികളുടെയും ക്ഷേമത്തെ പുറകോട്ടു  നയിക്കും  ഇങ്ങനെ പുരോഗതിക്കു തടസ്സം നില്‍ക്കുന്നത് തടയുന്നതിന് രണ്ടില്‍ കൂടുതല്‍ സന്താനങ്ങളുള്ള  കുടുംബങ്ങള്‍ക്ക്, പൌരവകാഷമായും   നിയമപരമായും  ഓരോ കുടുംബത്തിനും  സര്‍ക്കാരില്‍ നിന്ന് ലഭിക്കുന്ന  സഹായങ്ങളും ആനുകൂല്യങ്ങളും നിര്‍ത്തലാക്കണം. അഥവാ  രണ്ടില്‍ കൂടുതല്‍ സന്തതികളുണ്ടാകുന്നത് ബോധാപൂര്‍വ്വമെങ്കില്‍  ആ കുടുംബത്തെ തുറുങ്കിലടക്കുകയും കനത്ത പിഴ ഈടാക്കുകയും ചെയ്യണം. അങ്ങനെ സ്ത്രീകളുടെയും കുട്ടികളുടെയും ക്ഷേമം ഉറുപ്പ് വരുത്തണം. ഇങ്ങനെ സ്ത്രീകളുടെയും കുട്ടികളുടെയും ക്ഷേമത്തിനും പുരോഗതിക്കും തടസ്സം നില്‍ക്കുന്ന ഏത് ശക്തിയാണെങ്കിലും അവര്‍ക്കെതിരെയും ശക്തമായ ശിക്ഷാ നടപടികള്‍ സ്വീകരിക്കണം.  ഇവിടെ ഒരേ ഒരു ലക്‌ഷ്യം മാത്രം സ്ത്രീകളുടെയും കുട്ടികളുടെയും ക്ഷേമവും പുരോഗതിയും അതിനെതിരിലുള്ള എല്ലാ തടസ്സങ്ങളും വെട്ടിമാറ്റുക. സ്ത്രീകള്‍ക്കും കുട്ടികള്‍ക്കും ഇതിലുപരിയെന്തു   വേണം!!!!!!!!!!!!!!

കുട്ടികളുടെ അംഖസംഖ്യ രണ്ടിലൊതുക്കാനുള്ള   മാര്‍ഗ്ഗ നിര്‍ദ്ദേശങ്ങളാണ് ബാക്കി.  ആ നിര്‍ദ്ദേശങ്ങളിലെ പ്രധാനപ്പെട്ട ഒന്ന് ഗര്‍ഭചിദ്രം നിയമ വിധേയമാക്കുകയും അതിനുള്ള സൌകര്യങ്ങള്‍ സുലഭമായി വ്യാപിക്കുകയും ചെയ്യുക എന്നതാണ്.
വേറൊന്ന്‍ ഗര്‍ഭ നിരോധനമാര്‍ഗ്ഗങ്ങള്‍ എവിടെയും  എപ്പോഴും സൌജന്യമായും ലഭ്യമാക്കണം. എന്നതാണ്.

സന്താനങ്ങള്‍ നിര്‍ബന്ധമായും രണ്ടിലോതുക്കുക എന്ന ലക്ഷ്യവും, ആ ലക്ഷ്യ സാക്ഷാല്‍ക്കാരത്തിനുള്ള മാര്‍ഗ്ഗനിര്‍ദ്ദേശങ്ങളും സ്ത്രീകള്‍ക്കും കുട്ടികള്‍ക്കും എങ്ങനെ ക്ഷേമമുണ്ടാക്കും എന്ന് പഠനമര്‍ഹിക്കുന്നു.  കാരണം ഈ നിയമ നിര്‍ദ്ദേശങ്ങളുടെ പ്രഥമ ലക്‌ഷ്യം തന്നെ സ്ത്രീകളുടെയും കുട്ടികളുടെയും ക്ഷേമം മാത്രമാണല്ലോ?.

ഈ നിര്‍ദ്ദേശങ്ങള്‍ നേരത്തെ പരിചയപ്പെട്ട  അയ്യര്‍ വൈദ്യരുടെ ചികിത്സ പോലെ ത്തന്നെയാണ്.  തലവേദനയെന്ന പ്രശ്നം പരിഹരിക്കാന്‍ തല തന്നെ മുറിച്ചു കളയുന്ന കുറുക്കുവഴിയാണത്. തലയുണ്ടെങ്കിലല്ലേ തലവേദന വരൂ തല തന്നെ വെട്ടിമാറ്റിയാല്‍ തലവേദനയെന്ന പ്രശ്നം  എന്നേക്കുമായി പരിഹരിക്കാം. വളരെ നല്ല പരിഹാര മാര്‍ഗ്ഗം.  അത് തന്നെയാണ് ഈ നിര്‍നിര്‍ദ്ദേശങ്ങളുടെയും  സ്ഥിതി.

കുട്ടികളുടെ ക്ഷേമത്തിന് കുട്ടികള്‍ ജനിക്കാന്‍ അനുവദിക്കാതിരിക്കുക. കുട്ടികള്‍ ജനിക്കാതിരുന്നാല്‍ പിന്നെ കുട്ടികളുണ്ടാവില്ല. കുട്ടികളില്ലാതെയായാല്‍  തന്നെ കുട്ടികള്‍ക്ക് യാതൊരു വിധ പ്രശ്നങ്ങളുമുണ്ടാവില്ല.  പ്രശ്നങ്ങളൊന്നുമില്ല  എന്നാല്‍ ക്ഷേമവുമായി. വളരെ നല്ല സുത്രവാക്യം.

സ്ത്രീകളുടെ ക്ഷേമത്തിനും നിര്‍ദ്ദേശങ്ങളുണ്ട്  സമിതിയുടെ പക്കല്‍ അതും തലവേദന ചികിത്സ പോലെത്തന്നെ. ഇവരുടെയൊക്കെ പുത്തി ഉപ്പിലിട്ടു വെക്കണം വരും തലമുറക്ക് -അങ്ങനെ ഒന്ന് നില നില്ക്കാന്‍ അനുവദിച്ചാല്‍- പുത്തിയെ  കുറിച്ച് ഗവേഷണം നടത്താന്‍


2011 സെന്‍സസ് റിപ്പോര്‍ട്ട്  വന്നിട്ട് ഏതാനും മാസങ്ങളെ ആയുള്ളൂ. അതാരും മറന്നു കാണില്ല.  ആവശ്യമെങ്കില്‍ ഇവിടെ അത് ലഭ്യവുമാണ് http://www.censusindia.gov.in/
ഭാരതത്തിലെ ഓരോ ഭാഗവും   തരംതിരിച്ചുള്ള ജനസംഖ്യാ വിവരം വിശദമായി ഈ സൈറ്റിലുണ്ട്. ആ റിപ്പോര്‍ട്ടില്‍ കേരളമൊഴികെ ഭാരതത്തിലെ എല്ലാ സംസ്ഥാനങ്ങളിലും സ്ത്രീകളുടെ അംഖ സംഖ്യ ഭീതിജനകമായ രീതിയില്‍ കുത്തനെ ഇടിയുന്നത് കണ്ടില്ലെന്നു നടിക്കാവതല്ല. കേരളത്തില്‍ നില അല്‍പം വ്യതാസമുള്ളത് ആശ്വാസകരം തന്നെ.              ഇങ്ങനെ സംഭവിക്കാന്‍ കാരണമെന്താണ്. തീര്‍ച്ചയായും സ്ത്രീ ഭ്രുണഹത്യ തന്നെ. കേരളത്തിലെ ജനങ്ങളുടെ മനുഷ്യത്വം കാരണമാണ് കേരളത്തില്‍ സ്ത്രീകളുടെ എണ്ണം കുത്തനെ കുറയാതിരുന്നത്.
പക്ഷെ കൃഷ്ണയ്യരുടെയും  സംഘത്തിന്റെയും നിര്‍ദ്ദേശം നടപ്പിലായാല്‍ ഭ്രൂണഹത്യ കേന്ദ്രങ്ങള്‍ പെട്ടിക്കട പോലെ മുളച്ചു പൊങ്ങുകയും അതിലേക്ക് ആളുകള്‍ ഓടിയടുക്കുകയും ഭ്രുണഹത്യകള്‍ വ്യാപകമാവുകയും ചെയ്യും.  പലപ്പോഴും ഗര്‍ഭനിരോധന മാര്‍ഗ്ഗങ്ങള്‍ സ്വീകരിക്കാതെ ലൈംഗിക ബന്ധത്തിലേര്‍പ്പെടുന്ന ദമ്പതികള്‍. ഗര്‍ഭധാരണം സംഭവിച്ചു കഴിഞ്ഞാല്‍ ആണോ പെണ്ണോ എന്ന് പരിശോദന നടത്തിക്കുന്ന സ്ഥിതി വിശേഷം സംജാദമാകും.  പരമാവതി രണ്ടു കുട്ടികളെ പാടുള്ളൂ എന്ന് വന്നാല്‍ സ്വാഭാവികമായും ആ രണ്ടെണ്ണം തങ്ങള്‍ക്കിഷ്ടപ്പെട്ട (ഇന്നത്തെ സാമുഹ്യ സാഹചര്യത്തില്‍ മഹാ ഭൂരിപക്ഷം ദമ്പതികളും ആണ്‍ കുഞ്ഞു മതി എന്ന് തീരുമാനിക്കും) കുഞ്ഞുങ്ങളായി പര്മിതപ്പെടുത്തും ഫലമോ ജനിക്കാന്‍ പോലും അവകാശമില്ലാതെ പെണ്ണായി എന്ന ഒറ്റക്കാരണത്താല്‍ ജീവനോടെ വെട്ടിനുറുക്കപ്പെടും. അല്ലാത്ത പക്ഷം തമിഴ്നാട്ടിലെ പോലെ പിറന്നയുടന്‍ കൊല ചെയ്യപ്പെടും. കുട്ടികളെ ജനിക്കാനനുവദിക്കാതെ ജീവനോടെ കയ്യും കാലും കണ്ണും കരളും വെട്ടി നുറുക്കി അറുകൊല ചെയ്യന്നതിന്റെ ചില നേര്‍ക്കാഴ്ചകള്‍ ഇവിടെ 


http://www.youtube.com/watch?v=KD-A_tey16Q&feature=related


http://www.youtube.com/watch?NR=1&v=BmCWHfPCAHY


http://www.youtube.com/watch?v=Jzdgym0B7Kk&feature=related

ഇത് തീര്‍ച്ചയായും നേരത്തെ നാം പരിചയപ്പെട്ട അയ്യര് വൈദ്യരുടെ സര്‍ജറി തന്നെ. സമുഹത്തില്‍ സ്ത്രീകളില്ലാതെ വന്നാല്‍ സ്ത്രീകള്‍ക്ക് പ്രശ്നങ്ങളുണ്ടാവില്ല. സ്ത്രീകള്‍ക്ക് പ്രശ്നമില്ല എന്നതിനര്‍ത്ഥം സ്ത്രീകള്‍ ക്ഷേമം നേടി എന്നും. സ്ത്രീകളെയും (പെണ്‍) കുട്ടികളെയും സമുഹത്തില്‍ നിന്ന് ഉന്മൂലനം ചെയ്തു 90  വയസ്സ് കഴിഞ്ഞ ബുദ്ധിയും  വെളിവും   നഷ്ടപെട്ട കേരളം!!!. അതിനാകട്ടെ നമ്മുടെ പരിശ്രമം.


അതിനു നമുക്ക് നിയമങ്ങളുണ്ടാക്കി മുന്നേറാം. ആണുങ്ങളായി  ദീര്‍ഗ്ഗായുസോടെ ജീവിക്കാം നമുക്ക് ശേഷം  നമ്മുടെ  പ്രതിനിധികള്‍ ഇല്ലെങ്കിലും ....................




43 comments:

Unknown said...

ശുബൈദാന്റെ നാട്ടിൽ ശുബൈദാ..പിന്നെ പറഞ്ഞ വൈദ്യർ..ബാക്കി എല്ലാരും ഈ ടൈപ്പുകളാണോ?

കെ.എം. റഷീദ് said...

ആദ്യം നാം രണ്ട് നമുക്ക് മൂന്ന്
പിന്നെ നാം രണ്ട് നമുക്ക് രണ്ട്
ഇനി
നമ്മള്‍ രണ്ടും പോരെ നമ്മുക്കിടയില്‍ ശല്യമായി
ഇനി ഒരാളും വേണ്ട.

ആസാദ്‌ said...

ഉത്തരം മുട്ടുമ്പോള്‍ കൊഞ്ഞനം കുത്തുന്ന മഹാന്മാരോന്നും ഈ വഴി വന്നില്ലേ.. ഈ വിഷയത്തെ കുറിച്ച് ഞാന്‍ ഒരു പോസ്റ്റ് ഇട്ടായിരുന്നു. ഇപ്പോള്‍ ഞാനാണ് ഈ ലോകത്തിലെ ഏറ്റവും വല്യ വര്‍ഗീയ വാടിയും തീവ്രവാദിയും.. :).
സുബൈദ.. പോസ്റ്റു കലക്കി..

http://kadalasupookkal.blogspot.com/2011/09/blog-post_24.html

ഇസ്മായില്‍ കുറുമ്പടി (തണല്‍) shaisma@gmail.com said...

ഇനി മുതല്‍ എല്ലാവരും 'മൃഗീയ സ്വഭാവം'വെടിഞ്ഞുകൊള്ളും.
എന്നാലും എല്ലാ പഞ്ചായത്തിലും അബോര്‍ഷന്‍ ഹോസ്പിറ്റലുകള്‍ പണിയാം. ജയിലുകളില്‍ പ്രത്യേക ബ്ലോക്കുകള്‍ വര്‍ധിപ്പിക്കാം. പരോള്‍ പോലും ഇല്ലാത്ത രീതിയില്‍ നിയമനിര്‍മ്മാണം നടത്താം(പരോളില്‍ ഇറങ്ങി പണി പറ്റിച്ചാലോ)

പോസ്റ്റ്‌ പ്രയോജനപ്രദം

SHANAVAS said...

മുപ്പത്തി രണ്ടു രൂപയ്ക്ക് ഒരാള്‍ ജീവിച്ചാല്‍ അയാള്‍ ദാരിദ്ര്യ രേഖയ്ക്ക് മുകളിയായി എന്ന് കൊട്ടിഘോഷിക്കുന്ന ആഹ്ലുവാലിയാ സംഘത്തിന്റെ തമാശ പോലെ ഇതും കണക്കാക്കിയാല്‍ മതി.ഒരിക്കലും നടപ്പിലാവരുത് എന്ന വാശ്യോടെ ആണ് ഈ നിര്‍ദേശങ്ങള്‍ സമര്‍പ്പിച്ചിരിക്കുന്നത്.അതോ കൃഷ്ണയ്യരെ കളിയാക്കാന്‍ ബാക്കി സമിതി അംഗങ്ങള്‍ കളിച്ചതോ??എന്തായാലും ഇതുപോലെയുള്ള 'കാലഹരണപ്പെട്ട പുന്യവാളന്‍മാര്‍' ഇനി എന്തൊക്കെ എഴുന്നെള്ളിക്കും എന്നറിയില്ല..തികച്ചും ബാലിശമായ പഠനങ്ങള്‍..ശുപാര്‍ശകളും..

prachaarakan said...

മഹാരാഷ്ട ഗവണ്മെന്റ് മൂന്നാമത്തെ കുട്ടിക്ക് പാരിതോഷികം നല്‍കാന്‍ പോവുകയാണെന്ന് കേട്ടു. വൈകി വന്ന ബുദ്ധി

vipin said...

കാന്തപുരം പറയുന്നത് ഇത് നടപ്പാക്കിയാല്‍ സ്ത്രീകള്‍ അനാശ്വാസ്യത്തില്‍ ഏര്‍പ്പെടും എന്ന് !!!?? ബുഹഹ ...... അതായത് ലൈംഗികശേഷി ഇല്ലാതാകുന്ന വരെ സ്ത്രീകള്‍ പെറ്റു കൊണ്ടേയിരിക്കണം എന്നായിരിക്കും ഉദ്ദേശിച്ചത് !! വയറൊഴിയാന്‍ ഇടവന്നാല്‍ അവര്‍ അനാശ്വാസ്യത്തില്‍ ഏര്‍പ്പെടും എന്നാകും മഹാന്‍ ഉദ്ദേശിച്ചത് !!!! ... സ്വന്തം സമുദായത്തിലെ സ്ത്രീകളെ ഇങ്ങനെ അപമാനിക്കണോ ?

അഭിഷേക് said...

sarkkarinte ororo thamasakale angane kanane njan ishtappedunnullooo.pinne kuttikal 2 mathiyennanente abhiprayavum pakshe athinu niyamamonnum kondu vararuth.karanam 2 kuttikalkkum enthenkilum prasnangalundenkil moonnamathoru kutti koodi ayikkoode

Abdul Khader EK said...

നല്ല പോസ്റ്റ്‌,

കൊള്ളേണ്ടവര്‍ക്ക്‌ കൊള്ളുണ്ടുണ്ട് ഒപ്പം പൊള്ളുന്നു മുണ്ട്.

Manoj മനോജ് said...

ശിക്ഷയുടെ കാര്യത്തില്‍ ഒഴികെ മറ്റെല്ലാം കൃഷ്ണയ്യരുടെ സ്വന്തം ഐഡിയ അല്ല മറിച്ച് 2000 മുതല്‍ ഇന്ത്യ പിന്തുടരുന്ന നയമാണ്. 5രൂപ കോയിനിട്ടാല്‍ കോണ്ടം ലഭിക്കുന്ന മെഷീനുകള്‍ വികസിപ്പിക്കുവാന്‍ ഹിന്ദുസ്ഥാന്‍ ലാറ്റക്സിന് കഴിഞ്ഞത് ഇന്ത്യന്‍ നയത്തിന്റെ ഭാഗമായി കേന്ദ്രസര്‍ക്കാര്‍ സഹായം കൊടുത്തത് കൊണ്ടാണ്. ദാരിദ്ര്യ രേഖയ്ക്ക് താഴെയുള്ള സ്ത്രീകള്‍ക്ക് ആദ്യ രണ്ട് കുട്ടികള്‍ക്ക് 500 രൂപ വീതവും പെണ്‍കുട്ടിയെങ്കില്‍ 5000ഉം കേന്ദ്ര സര്‍ക്കാര്‍ കൊടുക്കുന്നതും എന്നാല്‍ മൂന്നാമത്തെ മുതലുള്ള കുട്ടികള്‍ക്ക് ലഭിക്കില്ല എന്നുള്ളതും 2000ത്തിലെ ഇന്ത്യന്‍ നയത്തിന്റെ ഭാഗം തന്നെയാണ്.

2000ത്തില്‍ ഈ നയം നാഷണല്‍ പോപ്പുലേഷന്‍ കമ്മീഷന്‍ ഇന്ത്യന്‍ സര്‍ക്കാരിന് സമര്‍പ്പിച്ചപ്പോള്‍ ഇപ്പോള്‍ ഉറഞ്ഞ് തുള്ളുന്ന ബഹു കുട്ടി വാദികള്‍ എവിടെയായിരുന്നു. ഇപ്പോള്‍ കൃഷ്ണയ്യരുടെ റിപ്പോര്‍ട്ട് കണ്ടപ്പോഴേ കാര്യങ്ങളൊക്കെ മനസ്സിലായതുള്ളോ!!!!

ഇന്ത്യന്‍ നയമായ രണ്ട് കുട്ടികള്‍ എന്നതിനെ തുരങ്കം വെയ്ക്കുന്ന പ്രസ്താവനകള്‍ ഈയിടെയായി കേരളത്തിലെ മത പുരോഹിതരില്‍ നിന്ന് ഉയര്‍ന്ന് വന്നിരുന്നു. അതിന്റെ കാരണം 2005ല്‍ കേരളം കണ്ട ഒരു പ്രസ്താവന നോക്കണം. എന്ത് കൊണ്ട് അവര്‍ ബഹു കുട്ടി വാദം ഉയര്‍ത്തുന്നത് എന്ന് അന്നത്തെ തൃശൂര്‍ ബിഷപ്പ് പറഞ്ഞവ വായിച്ച് മനസ്സിലാക്കണം [http://www.dnaindia.com/india/report_cash-crunch-produce-5-kids-earn-rs10000_1592612]. dnaindiaലെ ആ ലേഖനത്തിലെ അവസാനം നോക്കുക "the caution expressed by late Varkey Mar Vithayathil, the formerMajor Cardinal of Kerala. “In another fifteen years, Kerala will become a Muslim majority state as only Hindus and Christians follow strict family planning norms. This is dangerous,” the late Cardinal had said in an interview in 2005."

2001ലെ സെന്‍സസ് പുറത്ത് വന്നപ്പോള്‍ മുസ്ലീം സമുദായത്തില്‍ ജനസംഖ്യ വര്‍ദ്ധനവും മറ്റ് സമുദായങ്ങളില്‍ ജനസംഖ്യ കുറവും കാണിച്ചു എന്നതാണ് ഈ ബഹു കുട്ടി വാദം കേരളത്തിലെ കാത്തലിക്ക് ബിഷപ്പ് സംഘം ഉയര്‍ത്തി കൊണ്ട് വന്നതെന്ന് അവര്‍ തന്നെ പറഞ്ഞ് വെച്ചിട്ടുണ്ട് [http://www.catholicnewsagency.com/news/kerala-parishes-create-incentives-for-larger-families/].

രണ്ട് കുട്ടികള്‍ എന്ന ഇന്ത്യന്‍ നയത്തിനെതിരായി കൂടുതല്‍ കുട്ടികളെ പ്രോത്സാപ്പിക്കുന്നവരെ ശിക്ഷിക്കണമെന്നാണ് കരട് റിപ്പോര്‍ട്ടില്‍ ഉള്ളത്. അല്ലാതെ രക്ഷിതാക്കളെ ജയിലിടണമെന്നല്ല!

ജനിച്ച കുട്ടികള്‍ നല്ല ആരോഗ്യത്തോടെ വളരുക എന്നതാണ് ലക്ഷ്യം. അല്ലാതെ തങ്ങളുടെ സമുദായത്തിന്റെ എണ്ണം കൂട്ടുവാന്‍ കുറേയെണ്ണത്തെ ജനിപ്പിച്ചിട്ട് അനാഥാലയങ്ങളിലേയ്ക്ക് വലിച്ചെറിയുകയല്ല വേണ്ടത്. അവരുടെ പടം കാണിച്ച് വിദേശത്ത് നിന്ന് ഡൊണേഷന്‍ മേടിച്ച് സ്വന്തം ഉദരം നിറയ്ക്കുന്ന ചിലരും കേരളത്തില്‍ ഉണ്ടെന്ന വാര്‍ത്തകള്‍ വന്നത് മറക്കരുത്.

2010ല്‍ TFR 2.1ല്‍ എത്തിക്കുക എന്ന ലക്ഷ്യം ഇന്ത്യന്‍ സര്‍ക്കാര്‍ കൈവരിച്ചു. ഇനി TFR 2.0 എന്നതാണ് ലക്ഷ്യം. 2.0ല്‍ താഴെയെങ്കില്‍ പെണ്‍കുട്ടികള്‍ ആണ്‍കുട്ടികലേക്കാള്‍ കൂടുതലും, ശിശുമരണങ്ങള്‍ കുറവും ആണെന്നാണ് അര്‍ത്ഥമാകുന്നത്. കേരളം അത് കൈവരിച്ചു. പക്ഷേ ചില മത പുരോഹിതര്‍ അതിന് തുരങ്കം വെയ്ക്കുവാന്‍ ശ്രമിക്കുന്നു എന്നത് കൊണ്ട് അവര്‍ക്കെതിരെ ശക്തമായ നിയമം ആവശ്യം തന്നെ.

ഇന്ത്യന്‍ നയ വിരുദ്ധരായ മത പുരോഹിതര്‍ക്കെതിരെ നിയമം വേണമെന്ന് പറയാന്‍ ധൈര്യം കാണിച്ച കൃഷ്ണയ്യര്‍ക്ക് അഭിനന്ദനങ്ങള്‍‌.

സുബൈദ said...

സീഡിയൻ. said...

ശുബൈദാന്റെ നാട്ടിൽ ശുബൈദാ..പിന്നെ പറഞ്ഞ വൈദ്യർ..ബാക്കി എല്ലാരും ഈ ടൈപ്പുകളാണോ?
4 October 2011 7:36 PM

ഡിയര്‍ സീഡിയന്‍ താങ്കള്‍ സ്വയം ഇത്രയ്ക്കു അപഹാസ്യനാകേണ്ടതുണ്ടോ?
താങ്കളോടുള്ള സഹതാപം അതിന്റെ എല്ലാ വികാര തീവ്രദയോടെ രേഗപ്പെടുത്തട്ടെ.
സലാം.

സുബൈദ said...

കെ.എം. റഷീദ്
ആസാദ്‌
ഇസ്മായില്‍ കുറുമ്പടി (തണല്‍)
ഷാനവാസ്‌
പ്രചാരകന്‍

ഇവിടെ വന്നി ഇത് വായിച്ചു വിലയിരുത്തി അഭിപ്രായം രേഖപ്പെടുത്തിയതിനു നന്ദി
തുടര്‍ന്നും നിങ്ങളുടെ സാന്നിധ്യം സാദരം സ്വാഗതം ചെയ്യുന്നു.

സുബൈദ said...

"vipin said...

കാന്തപുരം പറയുന്നത് ഇത് നടപ്പാക്കിയാല്‍ സ്ത്രീകള്‍ അനാശ്വാസ്യത്തില്‍ ഏര്‍പ്പെടും എന്ന് !!!?? ബുഹഹ ...... അതായത് ലൈംഗികശേഷി ഇല്ലാതാകുന്ന വരെ സ്ത്രീകള്‍ പെറ്റു കൊണ്ടേയിരിക്കണം എന്നായിരിക്കും ഉദ്ദേശിച്ചത് !! വയറൊഴിയാന്‍ ഇടവന്നാല്‍ അവര്‍ അനാശ്വാസ്യത്തില്‍ ഏര്‍പ്പെടും എന്നാകും മഹാന്‍ ഉദ്ദേശിച്ചത് !!!! ... സ്വന്തം സമുദായത്തിലെ സ്ത്രീകളെ ഇങ്ങനെ അപമാനിക്കണോ ?"
കാന്തപുരം എന്താണ് പറഞ്ഞതിന്റെ പൊരുള്‍ താങ്കള്‍ക്കെങ്ങനെ മനസ്സിലായി എന്ന് മനസ്സിലാകുന്നില്ല. ഏതായാലും അപാര ഗ്രാഹ്യശേശി തന്നെ

സുബൈദ said...

അഭിഷേക് said...

sarkkarinte ororo thamasakale angane kanane njan ishtappedunnullooo.pinne kuttikal 2 mathiyennanente abhiprayavum pakshe athinu niyamamonnum kondu vararuth.karanam 2 kuttikalkkum enthenkilum prasnangalundenkil moonnamathoru kutti koodi ayikkoode
5 October 2011 12:06 PM

ഡിയര്‍ അഭിഷേക് ഇത് അത്രയ്ക്ക് നിസ്സാര വല്‍ക്കരിക്കാവതല്ല. വിശദീകരണം പിന്നാലെ വരുന്നുണ്ട്

സുബൈദ said...

"Abdul Khader EK said...

നല്ല പോസ്റ്റ്‌,

കൊള്ളേണ്ടവര്‍ക്ക്‌ കൊള്ളുണ്ടുണ്ട് ഒപ്പം പൊള്ളുന്നു മുണ്ട്.
5 October 2011 4:08 PM"



ബ്രദര്‍ അബ്ദുല്‍ ഖാദര്‍ താങ്കളെ ശ്രദ്ദയോടെ വായിക്കുന്നുണ്ട്. ഏറെ ആദരിക്കുകയും..............

വെറും നാലു വാക്കിലുള്ള താങ്കളുടെഅഭിപ്രായം............. അത് അനുഗരിക്കാന്‍ കഴിയുന്നില്ലല്ലോ

ഇവിടെ താങ്കളുടെ സാനിദ്ധ്യം ഒരു അംഗീകാരമായി അഭിമാനിക്കുന്നു.
ഇനിയും ഉപദേശ നിര്‍ദ്ദേശങ്ങള്‍ പ്രതീക്ഷിക്കട്ടെ
നന്ദി

സുബൈദ said...

" Manoj മനോജ് said... "

ഡിയര്‍ മനോജ്‌ താങ്കളുടെ വിശദമായ വിലയിരുത്തലിനു നന്ദി. താങ്കളുടെ കമന്റ് നന്നായിട്ടുണ്ട്. അതില്‍ യോചിപ്പുള്ളവ അംഗീകരിക്കുന്നതോടൊപ്പം വിയോചിപ്പുള്ളവ ചൂണ്ടിക്കാട്ടട്ടെ

"ഇന്ത്യന്‍ നയ വിരുദ്ധരായ മത പുരോഹിതര്‍ക്കെതിരെ നിയമം വേണമെന്ന് പറയാന്‍ ധൈര്യം കാണിച്ച കൃഷ്ണയ്യര്‍ക്ക് അഭിനന്ദനങ്ങള്‍‌.".

താങ്കളുടെ കമന്റിലെ അവസാന ഖണ്ഡികയാണിത്‌
എന്റെ പോസ്റ്റിലെവിടെയും, ഏതെങ്കിലും മതത്തെയോ, പുരോഹിതരെയോ ന്യായീകരിക്കുകയോ, അല്ലെങ്കില്‍ ഈ നിയമ നിര്‍ദ്ദേശങ്ങള്‍ ഏതെങ്കിലും മത വിശ്വാസങ്ങള്‍ക്കും ആചാരങ്ങള്‍ക്കും എതിരാണെന്നെവിടെയും പറയുകയോ അല്ലെങ്കില്‍ ഏതെങ്കിലും മതത്തിന്റെയോ, പോട്ടെ ഏതെങ്കിലും പ്രത്യയ ശാസ്ത്രത്തിന്റെ പോലുമോ ഭാഗത്ത്‌ നിന്ന് സംസാരിച്ചിട്ടില്ല. മനുഷ്യന്റെ, സ്ത്രീകളുടെ, കുട്ടികളുടെ ഭാഗത്ത്‌ നിന്ന് സംസാരിച്ചു., അതിനെന്തിനാണ് സഹോദരെ മതപുരോഹിതരെ വലിച്ചു കൊണ്ട് വരുന്നത്!!!. കാര്യം വ്യക്തമാണ്‌............................ താങ്കള്‍ മനുഷ്യന്റെ സ്ത്രീയുടെ കുട്ടിയുടെ ഭാഗത്ത് നിന്ന് കാര്യങ്ങള്‍ വിലയിരുത്താന്‍ ശ്രമിക്കുക. രാഷ്ട്രത്തിന്റെ രാഷ്ട്രീയത്തിന്റെ അല്ലെങ്കില്‍ ഏതെങ്കിലും സാമുഹ്യദ്രോഹ പ്രത്യയ ശാസ്ത്രത്തിന്റെ വക്താവായി മനുഷ്യന്റെ ശത്രുവാകതിരിക്കുക.

താങ്കളുടെ ഒന്നും രണ്ടും പാരഗ്രാഫുകള്‍ കൃഷ്ണയ്യരുടെ നയം ന്യായീകരിക്കാനുള്ള ന്യായ വാദങ്ങളാണ്.
മൂന്നും നാലും പാരകള്‍ കത്തോലിക്കാ സഭയുടെ പ്രസ്താവനകളും, കത്തോലിക്കര്‍ പറഞ്ഞത് ശരിയോ തെറ്റോ എന്ന് വിലയിരുത്തുന്നത് ഈ വിഷയത്തില്‍ തീരെ അപ്രസക്തമായത് കൊണ്ട് അവഗണിക്കുന്നു.

തീര്‍ച്ചയായും ശ്രീ കൃഷ്ണയ്യരെ താങ്കള്‍ ന്യായീകരിക്കുന്നത്, ഒരു കുടുംബത്തിനു രണ്ട് കുട്ടികള്‍ എന്നത് ഭാരതത്തിന്റെ നയമാണെന്ന് പറഞ്ഞാണ്. കേന്ദ്ര സര്‍ക്കാരോ കേരള സര്‍ക്കാരോ ഒരു മാനുഷിക വിരുദ്ധ നയം നടപ്പാക്കാന്‍ ശ്രമിച്ചാല്‍ നാമെല്ലാം അത് കയ്യും കെട്ടി അംഗീകരിക്കണമെന്നാണോ താങ്കളുടെ നിലപാട്. അതോ അതിനോട് ജനാധിപത്യ രീതിയില്‍ പ്രതികരിക്കണമെന്നോ?. ശ്രീ കൃഷ്ണയ്യരുടെ നിര്‍ദ്ദേശങ്ങള്‍ സ്ത്രീകളുടെയും കുട്ടികളുടെയും ക്ഷേമാത്തിനെന്നു പറഞ്ഞു സ്ത്രീകളെയും കുട്ടികളെയും ഉന്മൂലനം ചെയ്യാനുള്ള ഹിഡണ്‍ അജണ്ടയാണെന്ന് ഞാന്‍ എന്റെ പോസ്റ്റില്‍ വളരെ വ്യക്തമായി അവതരിപ്പിച്ചിട്ടുണ്ട്. അതിനോട് യാതൊരുവിത വിയോചിപ്പുമില്ലാതെ കേന്ദ്ര സര്‍ക്കാര്‍ നയമാണെന്ന് പറഞ്ഞു ഈ മനുഷ്യാവകാശ ലംഘനത്തെ ന്യായീകരിക്കുന്ന താങ്കള്‍???????????!!!!!!!!!!!!!!!!.....................................................................

താങ്കളുടെ അഞ്ചാമത്തെ പാരഗ്രാഫ് ആണ് താഴെ

"രണ്ട് കുട്ടികള്‍ എന്ന ഇന്ത്യന്‍ നയത്തിനെതിരായി കൂടുതല്‍ കുട്ടികളെ പ്രോത്സാപ്പിക്കുന്നവരെ ശിക്ഷിക്കണമെന്നാണ് കരട് റിപ്പോര്‍ട്ടില്‍ ഉള്ളത്. അല്ലാതെ രക്ഷിതാക്കളെ ജയിലിടണമെന്നല്ല!"
ഈ പ്രസ്താവന ഈ വിഷയത്തിലെ താങ്കളുടെ അക്ഞത വ്യക്തമാക്കുന്നു. ഈ വിഷയത്തിലെ വാര്‍ത്ത‍കളില്‍ താങ്കള്‍ ഒരു ഓട്ട പ്രതിക്ഷണം നടത്തിയിരുന്നെങ്കില്‍...................................

"രണ്ടു കുട്ടികളില്‍ കൂടുതലുള്ള ദമ്പതികള്‍ക്ക് ധനസഹായം നല്‍കരുതെന്ന് വ്യവസ്ഥ ചെയ്യുന്ന നിയമത്തിന്റെ കരടു സര്‍ക്കാരിനു സമര്‍പ്പിച്ചു. രണ്ടിലതികം കുട്ടികള്‍ വേണമെന്ന് ബോധപൂര്‍വ്വം നിലപാട് സ്വീകരിക്കുന്നവര്‍ക്ക് 10000 രൂപ വരെ പിഴയും മൂന്നു മാസത്തെ തടവും നല്‍കണമെന്നും സ്ത്രീകളുടെയും കുട്ടികളുടെയും ക്ഷേമത്തിനായുള്ള കേരള വിമന്‍സ് കോഡ്‌ ബില്‍ ശുപാര്‍ശ ചെയ്യുന്നു." (മലയാള മനോരമ 2011 സെപ്തംബര്‍ 25 )

കാര്യങ്ങള്‍ പഠിക്കാന്‍ ശ്രമിക്കാത്തത്തിന്റെ ബഹിര്സ്പുരണം മാത്രമാണ് താങ്കളുടെ വിഡ്ഢിത്വ പ്രസ്താവന. ഇനിയെങ്കിലും കാര്യങ്ങള്‍ പഠിച്ചു അഭിപ്രായം പറയാന്‍ ശ്രമിക്കുക.

ആറാം ഖണ്ഡിക ജനസംഖ്യ വര്‍ദ്ദനവ്‌ പുരോഗതിക്കെതിരാണെന്ന പ്രസ്താവന യാണ്. അത് ആരുടെ തലയില്‍, എന്ത് ഗൂഡ ലക്ഷ്യത്തിനു വേണ്ടി ഉണ്ടായതാണെന്ന് സാമ്രാജ്യത്വതെയും, മുതലാളിത്വതെയും വിലയിരുത്തി ചരിത്രം പഠിച്ചാല്‍ വ്യക്തമാവും. അതിവിടെ ചര്‍ച്ച ചെയ്യുന്നില്ല വിഷയം മാറുമെന്ന ഭയം കാരണം.

അടുത്തത് TFR റേറ്റ് ആണല്ലോ. അതിനെ അതിന്റെ നൈസര്‍ഗ്ഗികത്ക്ക് വിടുക
അതാണല്ലോ പ്രകൃതിപരവും ശാസ്ത്രീയവും.

ശ്രീ മനോജ്‌ താങ്കളെ ഒരു യുക്തിവാദി സ്വഭാവമുള്ള യാളായി വിലയിരുത്തെണ്ടാതുണ്ടോ,. താങ്കളുടെയും കേരള യുക്തിവാദി സംഘത്തിന്റെയും പ്രസ്താവനകള്‍ ഒരു പോലെ മനുഷ്യത്ത്വ വിരുദ്ധവും, പകൃതി വിരുദ്ധവും അശാസ്ത്രീയവുമായാത് കൊണ്ട് വന്ന അഭിപ്രായമാണ്
താങ്കള്‍ യുക്തിവാദിയല്ലെങ്കില്‍ ക്ഷമിക്കുക. അവര്‍ നിരന്തരം അത്തരം പ്രസ്താവനകള്‍ നടുത്തുന്നവരാണ്.!!!!!

ഫൈസല്‍ ബാബു said...

ജസ്റ്റിസ്‌ കൊണ്ടുവന്ന നിയമം തുടക്കത്തില്‍ തന്നെ നടപ്പിലാകില്ല എന്ന് ഒരേ സ്വരത്തില്‍ ഒരു പാട് പേര്‍ പ്രതികരിച്ചു കാഴിഞ്ഞു !!ഇതേ വിഷയത്തല്‍ ബ്ലോഗില്‍ ഇറങ്ങിയ ഒരു പാട് പോസ്റ്റുകളില്‍ എല്ലാം ഇത്തരം വീക്ഷണങ്ങളും പ്രതികരനവുമാനുള്ളത് !
സമകാലില വിഷയഗലോടുള്ള താങ്കളുടെ ആത്മാര്‍ത്ഥത നിറഞ്ഞ
രോഷം ഈ പോസ്റ്റില്‍ കാണാം ,,,തുടര്‍ന്നും എഴുതുക !!

"സ്ത്രീകളെ ഉന്മൂലനം ചെയ്യാനുള്ള ഒരു നിയമം എന്ന താങ്കളുടെ ഉപസംഹാരം എന്തോ എനിക്ക് അഭിപ്രായമില്ല !!

ബാബുരാജ് said...

താങ്കളുടെ പരസ്യം ഇടാനുള്ള സ്ഥലമല്ല മറ്റുള്ളവരുടെ കമന്റ് ഏരിയ. ദയവായി അത് ഡലീറ്റ് ചെയ്യുക.

Manoj മനോജ് said...

ഈ വിഷയം പെട്ടെന്നൊന്നും വന്നതല്ല എന്ന് പറയുവാനാണ് ശ്രമിച്ചത് :)

അജണ്ടകള്‍ ആര്‍ക്കാണ് എന്ന് ചൂണ്ടി കാട്ടുക മാത്രമാണ് ചെയ്തത്. ഇന്ത്യയില്‍ 1950കള്‍ മുതല്‍ ജനസംഖ്യ കുറയ്ക്കുവാനുള്ള നയം ആരംഭിച്ചതാണ്. 2000ത്തില്‍ പുറത്ത് വിട്ട സര്‍ക്കാര്‍ നയം അനുസരിച്ച് നമ്മള്‍ രണ്ട് നമുക്ക് രണ്ട് എന്നതാണ്. ഗര്‍ഭിണികള്‍ക്കും, അമ്മമാര്‍ക്കും, ശിശുക്കള്‍ക്കും പരിചരണം, സുരക്ഷിതവും ചെലവ് കുറഞ്ഞതുമായ ഗര്‍ഭ നിരോധന മാര്‍ഗ്ഗങ്ങള്‍‌, സുരക്ഷിതവും ലളിതവുമായ അബോര്‍ഷന്‍ തുടങ്ങിയവ അതിന്റെ ഭാഗമായി നടന്ന് കൊണ്ടിരിക്കുന്നതാണ്. അത് 2001ലെ നയ രേഖ വായിച്ചാല്‍ മനസ്സിലാകും.

കഴിഞ്ഞ 11 കൊല്ലമായി ഈ നയം ഇന്ത്യയില്‍ നിലനില്‍ക്കേ കൃഷ്ണയ്യരും കൂട്ടരും അതേ അഭിപ്രായങ്ങള്‍ തങ്ങളുടെ റിപ്പോര്‍ട്ടില്‍ രേഖപ്പെടുത്തിയപ്പോഴാണ് പ്രശ്നങ്ങള്‍ ഉയരുന്നത് എന്ന് കരുതുവാന്‍ കഴിയുന്നതെങ്ങിനെ?

അത് 2001ലെ സെന്‍സസിനെ തുടര്‍ന്ന് ചില മത നേതാക്കള്‍ രൂപം കൊടുത്ത അജണ്ടയുടെ ബാക്കിയാണ്. അത് തിരിച്ചറിയുക തന്നെ വേണം. അത് അവഗണിച്ചാല്‍ ഇന്ന് കേരളം കാണുന്ന പൊറോട്ട് നാടകത്തിന്റെ പുറകിലെ കളികള്‍ മനസ്സിലാകാതെ പോകും!!

പിഴയുടെ കാര്യം. ഞാന്‍ യഥാര്‍ത്ഥ റിപ്പോര്‍ട്ട് വായിച്ചിട്ടില്ല. പത്രങ്ങളിലും മറ്റും പിഴയുടെ കാര്യം ക്വോട്ട് ചെയ്യാതെയാണ് ഇട്ടിരിക്കുന്നത്. ഇത്രയും വിവാദമായ ഒരു വാര്‍ത്ത വരുമ്പോള്‍ റിപ്പോര്‍ട്ടിലെ വാചകങ്ങള്‍ അതു പോലെ തന്നെ കൊടുക്കും. ഉദാഹരണത്തിന് ആ റിപ്പോര്‍ട്ടില്‍ “No person or institution shall use religion, region, sect, cast, cult or other ulterior inducements for the bearing of more children,” ഉണ്ട് എന്ന് പറയുന്നത് പത്രങ്ങള്‍ ക്വോട്ട് ചെയ്താണ് കൊടുത്തിരിക്കുന്നത്. അത് ചെയ്യാത്തിടത്തോളം ആ വാചകങ്ങള്‍ക്ക് ആധികാരികതയില്ല. ഈ പോസ്റ്റില്‍ പോലും മനോരമ പറയുന്നത് ക്വോട്ടിലാണ് കൊടുത്തിരിക്കുന്നത്. അത് കൊണ്ട് തന്നെ ഞാന്‍ പറഞ്ഞതാണ് ശരിയെന്ന് ഇപ്പോള്‍ വിശ്വസിക്കുന്നു. റിപ്പോര്‍ട്ടില്‍ ഞാന്‍ പറഞ്ഞതിന് വിരുദ്ധമെന്ന് കാണുന്നുവെങ്കില്‍ ഞാന്‍ എന്റെ വാക്കുകളില്‍ നിന്ന് പിന്മാറാം.

യുക്തിവാദി മെമ്പര്‍ഷിപ്പൊന്നുമില്ലെങ്കിലും അന്ധമായ മത വിശ്വാസികളുടെ വാക്കുകളേക്കാള്‍ എനിക്കിഷ്ടം വിവരമുള്ള യുക്തിവാദികളുടെ വാക്കുകള്‍ തന്നെയാണ് :)

TFR എന്നത് കാണിക്കുന്നത് ആ രാജ്യത്തെ അല്ലെങ്കില്‍ സംസ്ഥാനത്തെ ശിശു മരണനിരക്ക്, പെണ്‍കുട്ടികളുടെ എണ്ണം തുടങ്ങിയ പല കാര്യങ്ങളും ആണ്. അതിനാല്‍ അതിനെ തോന്നിയ പോലെ വിടുക എന്ന് പറയുന്നത് പ്രസവിച്ച് കൂട്ടുക ജനിക്കുന്ന കുട്ടികള്‍ മരിച്ച് പോയാല്‍ അത് പ്രകൃതിപരം എന്ന് പറഞ്ഞ് സമാധാനിക്കാം എന്ന ഒരു ധ്വനിയില്ലേ :(

കഴിഞ്ഞ കമന്റില്‍ വിട്ടു പോയ ഒന്ന് ഇവിടെ ചേര്‍ക്കുന്നു. “ഗര്‍ഭധാരണം സംഭവിച്ചു കഴിഞ്ഞാല്‍ ആണോ പെണ്ണോ എന്ന് പരിശോദന നടത്തിക്കുന്ന സ്ഥിതി വിശേഷം സംജാദമാകും.“ ഇന്ത്യയില്‍ ലിംഗനിര്‍ണയം നടത്തരുതെന്ന് നിയമം ഉണ്ട്. ഇന്ത്യന്‍ നയത്തില്‍ പ്രധാനമായി നില്‍ക്കുന്നത് ഗര്‍ഭനിരോധന മാര്‍ഗ്ഗങ്ങളാണ്. അത് ചെയ്യാതെ വരുമ്പോള്‍ ഉണ്ടാകുന്ന പ്രശ്നങ്ങള്‍ ഇല്ലാതാക്കാനാണ് അബോര്‍ഷന്‍ സെന്ററുകള്‍ വേണമെന്ന് ഇന്ത്യന്‍ നയത്തില്‍ പറയുന്നത്. പ്രതീക്ഷിക്കാതെ ഗര്‍ഭിണിയായാല്‍ പ്രസവിച്ച് കുട്ടികളെ അനാഥാലയങ്ങള്‍ക്ക് കൊടുക്കുവാന്‍ സൌകര്യം ചെയ്യാം എന്ന് പരസ്യം പല ദിവസങ്ങളിലും മെയില്‍ ബോക്സില്‍ വരാറുണ്ട്. അങ്ങിനെ ജനിക്കുന്ന ആ കുട്ടികളുടെ ജീവിതം എന്തായിരിക്കും? ഇവിടെ ഫോസ്റ്റര്‍ രക്ഷിതാക്കളെ കിട്ടും ഇന്ത്യയിലെ സ്ഥിതിയോ?

ഒന്ന് കൂടി കൂട്ടി ചേര്‍ക്കുന്നു. പ്രസവം എന്നത് ലളിതമായ ഒരു കാര്യമല്ല എന്നത് തിരിച്ചറിഞ്ഞത് കൊണ്ട് തന്നെ ഒരു കുട്ടി മതി എന്ന് കൂട്ടായ തീരുമാനം എടുത്തിരിക്കുന്ന ഒരാളെന്ന നിലയില്‍ മനുഷ്യന്റെ മാത്രമല്ല ജന്തുക്കളുടെയും (പഠനത്തിന്റെ ഭാഗമായി വേദനയില്ലാതെ എലികളെ കൊല്ലുന്ന ഒരാളെന്ന നിലയില്‍‌) ഭാഗത്ത് നിന്ന് ചിന്തിക്കുവാന്‍ കഴിയുമെന്ന് വിശ്വാസമുണ്ട് :)

വിശ്വാസം അതല്ലേ എല്ലാം.... അത് കൊണ്ട് തന്റെ വിശ്വാസം തനിക്ക് എന്റെ വിശ്വാസം എനിക്ക്... പക്ഷേ മതത്തിന്റെ പേരില്‍ കേരളത്തിലെ ജനനനിരക്ക് തകിടം മറിക്കുവാന്‍ ശ്രമിക്കുന്നവരെ ശരിയാക്കുവാന്‍ വിശ്വാസികള്‍ മാത്രം ഇറങ്ങണമെന്നില്ല. :)

സുബൈദ said...

@മനോജ്‌

"ഉണ്ട് എന്ന് പറയുന്നത് പത്രങ്ങള്‍ ക്വോട്ട് ചെയ്താണ് കൊടുത്തിരിക്കുന്നത്. അത് ചെയ്യാത്തിടത്തോളം ആ വാചകങ്ങള്‍ക്ക് ആധികാരികതയില്ല. ഈ പോസ്റ്റില്‍ പോലും മനോരമ പറയുന്നത് ക്വോട്ടിലാണ് കൊടുത്തിരിക്കുന്നത്. അത് കൊണ്ട് തന്നെ ഞാന്‍ പറഞ്ഞതാണ് ശരിയെന്ന് ഇപ്പോള്‍ വിശ്വസിക്കുന്നു."

താങ്കളുടെ പഴയ കമന്റില്‍ പറഞ്ഞ അതെ കാര്യങ്ങള്‍ വ്യത്യസ്ത വാചക ഘടനയോടെ വീണ്ടും ആവര്‍ത്തിക്കുകയാണ് ഈ കമന്റിലെ ആദ്യ നാല് പാരഗ്രാഫും. അതിലേക്കു വരാം. അഞ്ചാം പാരഗ്രാഫ് മുന്‍ കമന്റില്‍ താങ്കള്‍ക്ക് പറ്റിയ അബദ്ധം 'വീണത് വിദ്ധ്യയാക്കി' ന്യായീകരിക്കുകയാണ്. ഏതെങ്കിലും ഒരു വാര്‍ത്ത‍ വന്നാല്‍ അതിന്റെ സ്വാഴ്സ് തപ്പി അത് തലനാരിഴകീറി പരിശോദിച്ചേ പ്രതികരിക്കാവൂ എന്നത് എത്രത്തോളം പ്രായോഗികമാണ്.
മാത്രമല്ല സര്‍ക്കാര്‍ വിക്ഞാപനങ്ങളും കോടതി വിധികളും വന്നാല്‍ അതിന്റെ പകര്‍പ്പ് കിട്ടിയ ശേഷമേ ആ വാര്‍ത്ത പ്രസിദ്ധീകരിക്കാവൂ എന്നും, ആ വിഷയത്തെ കുറിച്ച് പ്രതികരിക്കാവൂ എന്നും പറഞ്ഞാല്‍ ലോകത്തിലെ വാര്‍ത്ത മാധ്യമങ്ങളും പ്രതികരണങ്ങളും എല്ലാം എല്ലാം അവസാനിപ്പിക്കുന്നതാവും നല്ലത്.
താങ്കള്‍ ആ പാരഗ്രാഫ് അവസാനിപ്പിക്കുന്നത് "റിപ്പോര്‍ട്ടില്‍ ഞാന്‍ പറഞ്ഞതിന് വിരുദ്ധമെന്ന് കാണുന്നുവെങ്കില്‍ ഞാന്‍ എന്റെ വാക്കുകളില്‍ നിന്ന് പിന്മാറാം." എന്ന് പറഞ്ഞാണ്. തനക്ളുടെ വാദത്തില്‍ നിന്ന് താങ്കളെ തോല്‍പ്പിച്ച് പിന്‍ മാറ്റണമെന്ന ലക്ഷ്യമൊന്നും എനിക്കില്ല. എന്റെ അഭിപ്രായം അത് വ്യക്തമായി രേഖപ്പെടുത്തുക. അതിനോടുള്ള വിയോചിപ്പുകള്‍ പഠിച്ചു എന്റെ ധാരണകള്‍ തെറ്റെന്നു ബോധ്യപ്പെട്ടാല്‍ ഒട്ടും അമാന്തിക്കാതെ ശരി സ്വീകരിക്കുക ഇതാണ് ലക്‌ഷ്യം..

അടുത്ത പാരയില്‍ താങ്കള്‍ താങ്കളുടെ ആദര്‍ശം വ്യക്തമാക്കി അത് താഴെ
"യുക്തിവാദി മെമ്പര്‍ഷിപ്പൊന്നുമില്ലെങ്കിലും അന്ധമായ മത വിശ്വാസികളുടെ വാക്കുകളേക്കാള്‍ എനിക്കിഷ്ടം വിവരമുള്ള യുക്തിവാദികളുടെ വാക്കുകള്‍ തന്നെയാണ് :)"
ഇതിനോടുള്ള പ്രതികരണം ഇങ്ങനെ രേഖപ്പെടുത്തട്ടെ.......... ""വിവരമുള്ള??!!! യുക്തിവാദികളുടെ????!!!!! ..........

അടുത്ത പാരഗ്രാഫ് മുന്‍ കമന്റിന്റെ ആവര്‍ത്തനം തന്നെ.

അടുത്തത് ഇങ്ങനെ

കഴിഞ്ഞ കമന്റില്‍ വിട്ടു പോയ ഒന്ന് ഇവിടെ ചേര്‍ക്കുന്നു. “ഗര്‍ഭധാരണം സംഭവിച്ചു കഴിഞ്ഞാല്‍ ആണോ പെണ്ണോ എന്ന് പരിശോദന നടത്തിക്കുന്ന സ്ഥിതി വിശേഷം സംജാദമാകും.“ ഇന്ത്യയില്‍ ലിംഗനിര്‍ണയം നടത്തരുതെന്ന് നിയമം ഉണ്ട്. ഇന്ത്യന്‍ നയത്തില്‍ പ്രധാനമായി നില്‍ക്കുന്നത് ഗര്‍ഭനിരോധന മാര്‍ഗ്ഗങ്ങളാണ്. അത് ചെയ്യാതെ വരുമ്പോള്‍ ഉണ്ടാകുന്ന പ്രശ്നങ്ങള്‍ ഇല്ലാതാക്കാനാണ് അബോര്‍ഷന്‍ സെന്ററുകള്‍ വേണമെന്ന് ഇന്ത്യന്‍ നയത്തില്‍ പറയുന്നത്.

""“ ഇന്ത്യയില്‍ ലിംഗനിര്‍ണയം നടത്തരുതെന്ന് നിയമം ഉണ്ട്. "" ഈ നിയമം നിലനില്‍ക്കുന്ന ഭാരതത്തില്‍ തന്നെയാണല്ലോ
ഈ കണക്കുകളും നമ്മുടെ നേരെ കൊഞ്ഞനം കുത്തുന്നത്

സുബൈദ said...

2011 ലെ സെന്‍സസില്‍ കേരള മൊഴികെ ഭാരതത്തിലെ എല്ലാ സംസ്ഥാനങ്ങളിലും സ്ത്രീ പുരുഷ അനുപാതം ഭയാനഗമായ രീതിയി സ്ത്രീ ജനസംഖ്യ കുത്തനെ കുറഞ്ഞതായി വ്യക്തമാക്കുന്നു. ചില സ്ഥലങ്ങളില്‍ ഈ വ്യത്യാസം ഇരുപത് ശതമാനത്തില്‍ കൂടുതലാണെന്നുള്ളത് അത്രക്ക് നിസ്സാരമാണോ?. ഗര്‍ഭസ്ഥ ശിശുവിന്റെ ലിംഗ പരിശോദന നിയമം പരമായി നിരോധിച്ചെങ്കിലും അത് നിര്‍ബാധം നടത്തി ഗര്‍ഭസ്ഥ മനുഷ്യന്‍ പെണ്ണെങ്കില്‍ പച്ചക്ക് വെട്ടി നുറുക്കി കൊല്ലുന്നത് ഭാരതത്തിലും കൂടിയാണ്.
അബോര്‍ഷന്‍ വ്യാപകമായാല്‍ ഈ കണക്കുകള്‍ കേരളത്തിലുമാവര്‍ത്തിക്കും
അതിന്റെ ഭീകര മുഖം സാര്‍ എലികളെ കൊല്ലുന്ന പോലെ (ചത്ത എലികള്‍ വേദന അനുഭവിച്ചോ ഇല്ലയോ എന്ന് സാര്‍ എങ്ങനെ മനസിലാക്കുന്നു എന്ന് മനസ്സിലാകുന്നില്ല) അത്രക്ക് നിസ്സാരമല്ല എന്ന് ഈ(1 ) മൂന്നു(2 ) ലിങ്കുകളില്‍(3 ) നിന്ന് വ്യക്തമാണ്.

എന്റെ മുന്‍ കമന്റിലേക്ക് തിരിച്ചു പോട്ടെ
മുന്‍ കമന്റിലെ എന്റെ ഒരു സംശയം ഒരിക്കല്‍ കൂടി ആവര്‍ത്തിക്കുന്നു.

"'((തീര്‍ച്ചയായും ശ്രീ കൃഷ്ണയ്യരെ താങ്കള്‍ ന്യായീകരിക്കുന്നത്, ഒരു കുടുംബത്തിനു രണ്ട് കുട്ടികള്‍ എന്നത് ഭാരതത്തിന്റെ നയമാണെന്ന് പറഞ്ഞാണ്. കേന്ദ്ര സര്‍ക്കാരോ കേരള സര്‍ക്കാരോ ഒരു മാനുഷിക വിരുദ്ധ നയം നടപ്പാക്കാന്‍ ശ്രമിച്ചാല്‍ നാമെല്ലാം അത് കയ്യും കെട്ടി അംഗീകരിക്കണമെന്നാണോ താങ്കളുടെ നിലപാട്. അതോ അതിനോട് ജനാധിപത്യ രീതിയില്‍ പ്രതികരിക്കണമെന്നോ?. ശ്രീ കൃഷ്ണയ്യരുടെ നിര്‍ദ്ദേശങ്ങള്‍ സ്ത്രീകളുടെയും കുട്ടികളുടെയും ക്ഷേമാത്തിനെന്നു പറഞ്ഞു സ്ത്രീകളെയും കുട്ടികളെയും ഉന്മൂലനം ചെയ്യാനുള്ള ഹിഡണ്‍ അജണ്ടയാണെന്ന് ഞാന്‍ എന്റെ പോസ്റ്റില്‍ വളരെ വ്യക്തമായി അവതരിപ്പിച്ചിട്ടുണ്ട്. അതിനോട് യാതൊരുവിത വിയോചിപ്പുമില്ലാതെ കേന്ദ്ര സര്‍ക്കാര്‍ നയമാണെന്ന് പറഞ്ഞു ഈ മനുഷ്യാവകാശ ലംഘനത്തെ ന്യായീകരിക്കുന്ന താങ്കള്‍???????????!!!!!!!!!!!!!!!!.....................................................................)"'

ഈ സംശയം വരാനുള്ള സാഹചര്യം, മജ്ജയും മാംസവുമുള്ള പച്ച മനുഷ്യനെ വെട്ടി നുറുക്കി അറുകൊലചെയ്യാന്‍ കശാപ്പുശാലകള്‍ കേരളമോന്നകെ വ്യാപിപ്പിക്കണമെന്നുമുള്ള ശ്രീ കൃഷ്ണയ്യരും സംഘവും നല്‍കിയ മനുഷ്യ വിരുദ്ധ പൈശാചിക നിയമ നിര്‍ദ്ദേശങ്ങളെ ശ്രീ മനോജ്‌ ന്യായീകരിക്കുന്ന ദുരവസ്ഥ മനസ്സിലാക്കിയത് കൊണ്ടാണ്.

ഈ ചോദ്യം അല്പം കൂടി വ്യക്തമായി ആവര്‍ത്തിക്കുന്നു. ഒരു ഉദാഹരണത്തോടെ, ഏകദേശം എഴുപത് എഴുപത്തന്ച് വയസ്സോടെ ഒരാളുടെ നിര്‍മ്മാണാത്മക സംഭാവനകള്‍ അവസാനിക്കും. അതോടെ അത്തരം വയോദികര്‍ സമുഹത്തിന് ഭാരമാകും (യൂട്ട്ലിറ്റി തിയറി അവലംഭം) അങ്ങനെ ഭാരമാകുന്ന വയസ്സന്‍മാരെ കൊല്ലുന്നത് കൊണ്ട് സമുഹത്തിന് ഏറെ നേട്ടങ്ങളുണ്ട് താനും ഇങ്ങനെ ഒരു നയം കേരള സര്‍ക്കാരോ ഭാരത സര്‍ക്കാരോ വേണ്ട ഐക്യ രാഷ്ട്ര സഭയോ ലോകാരോഗ്യ സംഘടനയോ നടപ്പിലാക്കണമെന്ന് തീരുമാനിച്ചാല്‍ ശ്രീ മനോജ്‌ എന്ത് നിലപാടെടുക്കും.
ഏതൊരു മനുഷ്യത്വ വിരുദ്ധ നീക്കവും എതിര്‍ക്കപ്പെടെണ്ടാതാണ്. അല്ലാതെ അതിനെ ന്യായീകരിക്കുകയല്ല വേണ്ടത്.

മനോജിനു മതങ്ങളോട് വിധ്വഷമുന്ടെങ്കില്‍ അത് താങ്കളുടെ സ്വാതന്ത്ര്യം. പക്ഷെ അതിലുടെ താങ്കളുടെ മാനുഷിക മൂല്യങ്ങള്‍ നഷ്ട്ടപ്പെടുന്നു എന്നത് ഏറെ ഖേദകരം തന്നെ.

സുബൈദ said...

@ ഫൈസല്‍ ബാബു

താങ്കളുടെ പ്രോത്സാഹനത്തിനും അഭിപ്രായത്തിനും നന്ദി. താങ്കള്‍ വിയോജിപ്പ്‌ രേഖപ്പെടുത്തിയ ഭാഗം ഇതാണല്ലോ

""സ്ത്രീകളെ ഉന്മൂലനം ചെയ്യാനുള്ള ഒരു നിയമം എന്ന താങ്കളുടെ ഉപസംഹാരം എന്തോ എനിക്ക് അഭിപ്രായമില്ല !!"

ഇത് നടക്കാനുള്ള സാധ്യത എങ്ങനെ എന്നും ഞാന്‍ വിശദീകരിച്ചിട്ടുണ്ട്, ഇതിന്റെ മുന്‍ കമന്റുകളിലും അത് വിശദീകരിച്ചിട്ടുണ്ട്.

സുബൈദ said...

"ബാബുരാജ് said...

താങ്കളുടെ പരസ്യം ഇടാനുള്ള സ്ഥലമല്ല മറ്റുള്ളവരുടെ കമന്റ് ഏരിയ. ദയവായി അത് ഡലീറ്റ് ചെയ്യുക.
6 October 2011 6:42 അം"

ക്ഷമിക്കണം ബാബുരാജ്
താങ്കളുടെ ബ്ലോഗില്‍ ലിങ്കിട്ടത്തില്‍ അത് താങ്കളുടെ താല്പര്യം പോലെ ഡിലിറ്റ് ചെയ്തിട്ടുണ്ട്
താങ്കള്‍ക്കുണ്ടായ ബുദ്ധിമുട്ടില്‍ ഒരിക്കല്‍ കൂടി ക്ഷമ ചോദിക്കുന്നു.

Unknown said...

പലരും പല വട്ടം പറഞ്ഞിട്ടും നാണവും മാനവും ഇല്ലാതെ ഇങ്ങനെ സകല ബ്ലോഗിലും കൊണ്ട് നടന്നു പോസ്റ്റര്‍ പതിപ്പിക്കുന്നത് വല്ലാത്ത രോഗം തന്നെയാണെന്ന് മനസ്സിലാക്കുന്നു. ഈ രോഗത്തിന് ചികില്‍സ ഇല്ലാത്തത് കൊണ്ട് എന്റെ ബ്ലോഗില്‍ കമന്റായി ഇടുന്ന എല്ലാ ലിങ്കുകളും ഡിലീറ്റ് ചെയ്യുന്നതാണെന്ന് അറിയിച്ചു കൊള്ളുന്നു.

സുബൈദ said...

"Firefly said...

പലരും പല വട്ടം പറഞ്ഞിട്ടും നാണവും മാനവും ഇല്ലാതെ ഇങ്ങനെ സകല ബ്ലോഗിലും കൊണ്ട് നടന്നു പോസ്റ്റര്‍ പതിപ്പിക്കുന്നത് വല്ലാത്ത രോഗം തന്നെയാണെന്ന് മനസ്സിലാക്കുന്നു. ഈ രോഗത്തിന് ചികില്‍സ ഇല്ലാത്തത് കൊണ്ട് എന്റെ ബ്ലോഗില്‍ കമന്റായി ഇടുന്ന എല്ലാ ലിങ്കുകളും ഡിലീറ്റ് ചെയ്യുന്നതാണെന്ന് അറിയിച്ചു കൊള്ളുന്നു.
7 October 2011 9:46 PM"

സാറിനെ കണ്ടിട്ട് കുറെ ആയല്ലോ. പണ്ട് കൊള്ളയുടെയും ബലാല്‍സംഘത്തിന്റെയും വ്യഭിചാരത്തിന്റെയും മറ്റും നിര്‍വചനം പഠിപ്പിച്ചു തന്നു പോയതാണല്ലോ,. സാറിന് സുഖം തന്നെയല്ലേ.

താങ്കളുടെ ബ്ലോഗില്‍ എന്റെ പോസ്റ്റിന്റെ ലിങ്കിട്ടത് നമ്മള്‍ പഴയ പരിചയക്കാര്‍ എന്ന നിലക്ക് ഈ ബൂലോകത്ത് നില നില്‍ക്കുന്നു എന്നറിയിക്കാനാണ്. അത് അങ്ങയെ പ്രകോപിപ്പിച്ചു എങ്കില്‍ ക്ഷമ ചോദിക്കുന്നു. ഞാനിടുന്ന കമന്റുകളും ലിങ്കുകളും ഡിലിറ്റ് ചെയ്യാനും നിലനിര്‍ത്താനുമുള്ള അധികാരവും അവകാശവും നിങ്ങള്‍ക്കുണ്ടല്ലോ., മാത്രമല്ല ലിങ്ക് ബ്ലോക്ക്‌ ചെയ്യാനും മോഡറേറ്റ് ചെയ്യാനും എല്ലാം നിങ്ങള്ക്ക് സാധിക്കും. അത് എന്ത് വേണമെങ്കിലും ചെയ്യുക.

ലിങ്കിടുന്നത് അറിയിക്കുക എന്ന ലക്‌ഷ്യം കൊണ്ടാണ് അല്ലാതെ വേറെ രോഗം കൊണ്ടൊന്നുമല്ല.
അങ്ങനെ സാറ് പറഞ്ഞ ആ രോഗം എനിക്കുണ്ടെങ്കില്‍ സ്വാഭാവികമായും ഞാന്‍ എന്നോ യുക്തിവാദിമുന്നണിയില്‍ ഉണ്ടാകുമായിരുന്നു. ആ രോഗം അനുഭവിച്ച ഓര്‍മ്മ ഇന്നും നടുക്കമുണ്ടാക്കുന്നു.

ഞാന്‍ എന്റെ അഭിപ്രായം അറിയിക്കുന്നത് ചില ആളുകള്‍ക്ക് ഏറെ ചൊറിചിലുണ്ടാക്കുന്നുണ്ട് എന്നറിയാം. മുമ്പൊരാള്‍ പറഞ്ഞ വാക്കുകള്‍ ഇവിടെ പ്രസക്തമാവുന്നു. എന്റെ പോത്തുകള്‍ വിളറി പിടിക്കും എന്ന് കരുതി എനിക്കെന്റെ കുട തുറക്കാതിരിക്കാന്‍ പറ്റില്ലല്ലോ?. ക്ഷമിക്കുക.
ഞാന്‍ മനുഷ്യരുടെ, സ്ത്രീകളുടെ, കുട്ടികളുടെ, പ്രകൃതിയുടെ ഭുമിയിലെ ആവാസവ്യവസ്ഥയുടെ ഭാഗത്ത്‌ നിന്ന് സംസാരിക്കുമ്പോള്‍ അതിനെതിരു നില്‍ക്കുന്ന ആദര്‍ശത്തിന്റെയും തത്വശാസ്ത്രതിന്റെയും വക്താക്കള്‍ അതിനെതിരെ ഉറഞ്ഞു തുള്ളും. അസഭ്യവര്‍ഷം നടത്തും അതെല്ലാം സ്വാഭാവികം. അതിന്റെ ഒരു ചെറിയ ഉദാഹരണം എന്റെ മുന്‍ പോസ്റ്റില്‍ നിന്ന്.

charvakan said...

സുബൈദ എന്ന കുണ്ടൻ കണ്ണുകാണിച്ചപ്പോൾ എത്ര പാവങ്ങളാ ആ കെണിയിൽ വീണത്.അയാൾ ആദ്യം പഠിചത് യുക്തിവാദം.കാരണം അന്യമതക്കാരെ മദ്രസയിൽ കേറ്റത്തില്ല.പിന്നെ കുണ്ടൻ പണിക്കിടെ പഠിച്ചതാണ്..ഈ എഴുന്നള്ളിച്ചതത്രയും.
23 May 2011 6:31 AM"
ഇത്തരം തെറിപോലും ഞാന്‍ എന്റെ കമന്റ് ബോക്സില്‍ നിന്ന് ഡിലിറ്റ് ചെയ്തിട്ടില്ല.

കമന്റ് ഡിലിറ്റ് ചെയ്യല്‍ എന്നെ സംബന്ധിച്ച് ഏറെ പ്രധാനപ്പെട്ട കാര്യമാണ്. ഒരു കൂട്ട ഡിലിറ്റിങ്ങാണ് എന്നെ ബ്ലോഗറാക്കിയത്. ആ കാര്യം എന്റെ മെയ്‌ ഒന്നിന്റെ പോസ്റ്റില്‍ വിവരിച്ചിട്ടുണ്ട്.

ഏതായാലും എന്റെ കമന്റുകളോ പോസ്റ്റുകളോ നിങ്ങള്‍ക്ക് ഏതെങ്കിലും തരത്തില്‍ ബുദ്ധിമുട്ടുകളോ പ്രശ്നങ്ങളോ വേദനകളോ ഉണ്ടാക്കിയെങ്കില്‍ ഈ സാധു ബ്ലോഗര്‍ക്ക് പൊറുത്തുമാപ്പാക്കിത്തരണം. നിങ്ങളെപ്പോലുള്ള മുതിര്‍ന്ന ബ്ലോഗര്‍മാരല്ലേ ഈ കൊച്ചു ബ്ലോഗറെ ബൂലോകത്തേക്ക് കൈപിടിച്ച് നടത്തേണ്ടത്. അതിനു പകരം ഇങ്ങനെ കര്‍വിച്ചാല്‍ എന്റെ സ്ഥിതി എന്താകും.

ജയരാജ്‌മുരുക്കുംപുഴ said...

aashamsakal............

vipin said...

രണ്ട് കുട്ടികള്‍ എന്ന സ്ഥിതി വന്നാല്‍ സ്ത്രീകള്‍ അനാശ്വാസ്യത്തില്‍ ഏര്‍പ്പെടാന്‍ ഇടയാക്കും എന്ന് പറഞ്ഞാല്‍ എന്താണ് ഉദ്ദേശിച്ചതെന്ന് താങ്കള്‍ പറഞ്ഞ് തരൂ??? ..താങ്കളുടെ ഗ്രാഹ്യശേശി ( സോറി ...ഗ്രാഹ്യശേഷി ) എല്ലാവരും മനസ്സിലാക്കട്ടെ !

Manoj vengola said...

ചിന്തനീയം.
ചര്‍ച്ച മുന്നേറട്ടെ.
ആശംസകള്‍.

സുബൈദ said...

ജയരാജ്‌ മുരുക്കുംപുഴ
മനോജ്‌ വെങ്ങോല


നന്ദി

സുബൈദ said...

"vipin said...

രണ്ട് കുട്ടികള്‍ എന്ന സ്ഥിതി വന്നാല്‍ സ്ത്രീകള്‍ അനാശ്വാസ്യത്തില്‍ ഏര്‍പ്പെടാന്‍ ഇടയാക്കും എന്ന് പറഞ്ഞാല്‍ എന്താണ് ഉദ്ദേശിച്ചതെന്ന് താങ്കള്‍ പറഞ്ഞ് തരൂ??? ..താങ്കളുടെ ഗ്രാഹ്യശേശി ( സോറി ...ഗ്രാഹ്യശേഷി ) എല്ലാവരും മനസ്സിലാക്കട്ടെ !
10 October 2011 4:21 PM"
കാന്തപുരം എന്ത് പറഞ്ഞു എന്ന് വ്യാഖ്യാനിച്ചു വിശദീകരിക്കേണ്ട ആവശ്യം സ്വീകരിക്കാന്‍ തല്‍ക്കാലം നിര്‍വ്വാഹമില്ല,.
ക്ഷമിക്കുക.
എന്റെ കമന്റിലെ അക്ഷരത്തെറ്റ് ചൂണ്ടിക്കാട്ടിയതിനു "(താങ്കളുടെ ഗ്രാഹ്യശേശി ( സോറി ...ഗ്രാഹ്യശേഷി ))" ഏറെ കടപ്പാടുണ്ട്. ഇത്തരം തെറ്റുകള്‍ എന്റെ അറിവില്ലായ്മ കാരണം സംഭവിക്കുന്നതാണ്. വിദ്ധ്യാഭ്യാസത്തിന്റെ കുറവും ഒരു കാരണമാണ്. ഇങ്ങനെ അക്ഷരത്തെറ്റു സംഭവിച്ചത് വലിയ അഭാദ്ധമായി എന്ന് മനസ്സിലാക്കിത്തന്ന ശ്രീ വിപിന്‍ സാറിനോടുള്ള നന്ദിയും കടപ്പാടും അറിയിക്കട്ടെ.

ശ്രീ വിപിന്‍ ഒരു സംശയം താങ്കളുടെ ഈ കമന്റിലെ "അനാശ്വാസ്യത്തില്‍" ഈ വാക്കിന്റെ അര്‍ത്ഥമെന്തെന്ന് മനസ്സിലായില്ല................ എന്റെ അറിവ്കേടു കൊണ്ടാകാം മനസ്സിലാകാത്തത്.................... പറഞ്ഞു തരുമല്ലോ??

ali chemmad said...

ഈ വിഷയത്തില്‍ ഇസല്‍സബീല്‍ ഓണ്‍ലൈന്‍ മാസിക പ്രസിദ്ധീകരിച്ച ലേഖനം ഇവിടെ വായിക്കാം

ബഷീര്‍ പൂക്കോട്ട്‌ said...

സുബൈദ താത്ത,

ഇങ്ങള് ആണോ പെണ്ണോ. കഴിഞ്ഞ ഒരു പോസ്റ്റ് കണ്ട്. രവിചന്ദ്രന്‍ സാറിനെ ആക്ഷേപിച്ച കമന്റ്. ഇസഌമിന് നിരക്കണ പണിയാണോ താത്ത അത്. അക്ബറൊക്കെ ഇസ്‌ളാം പ്രചരിപ്പിക്കാന്‍ നടന്ന് മണിക്കൂറിന് പതിനായിരങ്ങള് വാങ്ങുന്നതില്‍ ഇങ്ങള് കുറ്റം കാണുന്നില്ല. എന്നിട്ട് പറഞ്ഞു നടക്കുന്നതൊക്കെ കുര്‍-ആന്‍ വിരുദ്ധമായി പച്ച നൊണകളും. രവിചന്ദ്രന്‍ സാറിന്‍രെ രണ്ട് പ്രഭാഷണം ഞാനും കേള്‍്കകാന്‍ പോയരിുന്നു. പരപ്പനങ്ങാടിയിലും നെലമ്പൂരിലും. രണ്ടിടത്തും ഹൗസ്ഫുള്‍ ആയിരുന്നു. നെലമ്പൂരെ കാസറ്റ് നെറ്റിലുണ്ട്. ഇങ്ങള് 20 പേരെന്ന് പങ്കെടുത്തോളെന്ന പറയുന്ന ശുദ്ധ നുണയല്ലേ താത്താ. ഇസ്‌ളാം വിരുദ്ധമല്ലേ. അങ്ങേര് ഫണ്ട് വാങ്ങിച്ചാ പ്രസംഗിക്കുന്നേ പറയണ ശുദ്ധ തെണ്ടിത്തരമല്ലേ താത്താ. ഇങ്ങക്ക് ചൊണയൊണ്ടേ ഇസഌമിന്റെ പക്ഷത്ത് നിന്ന് സാറിനെ ചര്‍ച്ചയില്‍ തോല്‍്പപിക്ക്. ഇസഌമിന്‍രെ നാമത്തില്‍ അങ്ങേരുടെ ബ്‌ളോഗില്‍ ചെന്ന ഒറ്റ ഒരെണ്ണം ഗതി പിടിച്ചിട്ടില്ല. ചര്‍ച്ചക്ക് ചെല്ലുമ്പോള്‍ വിവരം വിദ്യാബ്യാസം വേണം. അല്ലെഹ്കില്‍ സാറിനെപ്പോലുള്ളവരുടെ രോമത്തില്‍ തൊടാന്‍ പറ്റില്ല. അല്ലെ പിന്നെ ഇതേ പണിയുള്ളു. സുബൈദ പണി. തെണ്ടിത്തരവുമായി ഇസഌമിന് ചീത്ത്പപേരുണ്ടാക്കാനായി നടക്കുന്ന പുന്നാര മോളേ, നിനക്ക് ചൊണയൊണ്ടേ മാന്യന്‍മാരുടെ നേരെ കൊരയ്ക്കാതെ കാന്തപുരത്തിന്റെ ഫണ്ട് അന്വേഷീര്. മുടിപള്ളിയെന്ന ഇസഌമികവിരുദ്ധമായ ചെറ്റത്തരത്തിനെതിരെ പോസ്‌റഅറിട്. ഇസഌമിന് ഗുണം ചെയ്യ്, പരിശുദ്ധ കുര്‍-ആന്‍ ഉയര്‍ത്തിപ്പിടി. തിരുനബി മാര്‍ഗ്ഗം ചര്യ വാഴ്ത്തിപ്പാട്. അല്ലാതെ വിവരോം വിദ്യാഭ്യാസമുള്ള മനുശ്യന്‍മാര്െ തെറി പറനഞ്ഞ് പിമ്പിന്‍രെ പണി കാണിക്കാതെ.
രണ്ടു കുട്യോളി കൂടുതല് ഉണ്ടായ ജയിലടയ്ക്കണം പിഴയടയ്ക്കണമെന്ൊക്കെ സ്വാമി പറ#്ഞാ അംഗീകരിക്കാന്‍ പറ്റില്ല. അതില്‍ ഇങ്ങള് പറഞ്ഞതിനോട് യോജിക്കുന്നു. ്ത് ന്യായം.പക്ഷെ മറ്റേത് തെണ്ടിത്തരം. ിമ്മാതിരി ചെറ്റത്തരം കാണിക്കുന്നതിന് മുമ്പ് തിരുനബിയെ ഓര്‍ക്ക് സുബൈദ, മനസ്സ് ശുദ്ധമാവും.

സുബൈദ said...

"ബഷീര്‍ പൂക്കോട്ട്‌ said...

സുബൈദ താത്ത,

ഇങ്ങള് ആണോ പെണ്ണോ. കഴിഞ്ഞ ഒരു പോസ്റ്റ് കണ്ട്. രവിചന്ദ്രന്‍ സാറിനെ ആക്ഷേപിച്ച കമന്റ്. ഇസഌമിന് നിരക്കണ പണിയാണോ താത്ത അത്. അക്ബറൊക്കെ ഇസ്‌ളാം പ്രചരിപ്പിക്കാന്‍ നടന്ന് മണിക്കൂറിന് പതിനായിരങ്ങള് വാങ്ങുന്നതില്‍ ഇങ്ങള് കുറ്റം കാണുന്നില്ല. എന്നിട്ട് പറഞ്ഞു നടക്കുന്നതൊക്കെ കുര്‍-ആന്‍ വിരുദ്ധമായി പച്ച നൊണകളും.............................................................................................................................................................................................................................. .....................................അല്ലാതെ വിവരോം വിദ്യാഭ്യാസമുള്ള മനുശ്യന്‍മാര്െ തെറി പറനഞ്ഞ് പിമ്പിന്‍രെ പണി കാണിക്കാതെ.
രണ്ടു കുട്യോളി കൂടുതല് ഉണ്ടായ ജയിലടയ്ക്കണം പിഴയടയ്ക്കണമെന്ൊക്കെ സ്വാമി പറ#്ഞാ അംഗീകരിക്കാന്‍ പറ്റില്ല. അതില്‍ ഇങ്ങള് പറഞ്ഞതിനോട് യോജിക്കുന്നു. ്ത് ന്യായം.പക്ഷെ മറ്റേത് തെണ്ടിത്തരം. ിമ്മാതിരി ചെറ്റത്തരം കാണിക്കുന്നതിന് മുമ്പ് തിരുനബിയെ ഓര്‍ക്ക് സുബൈദ, മനസ്സ് ശുദ്ധമാവും."

ബഹുമാന്യന്‍ പൂകോട്ടെ ബഷീറിന്റെ കമന്റ് വായിച്ചു. അങ്ങയുടെ വികാരത്തള്ളിച്ചയും വെപ്രാളവും മനസ്സിലാകും., അതിനുള്ള കാരണവും മനസ്സിലാകുന്നുണ്ട്. ക്ഷമിക്കുക
മുന്‍ പോസ്റ്റിലെ വിഷയമാണല്ലോ താങ്കള്‍ ഇവിടെ ചര്‍ച്ചക്കെടുത്തത്.. ആ വിഷയം തല്‍കാലം ഈ പോസ്റ്റില്‍ ചര്‍ച്ച ചെയ്തു കൂട്ടിക്കുഴക്കുന്നില്ല. ആ വിഷയം ഒരിക്കല്‍ കൂടി പോസ്റ്റ്‌ ചെയ്യുന്നുണ്ട്. ഇന്‍ഷാ അല്ലാഹ്. അപ്പോള്‍ താങ്കളുടെ ഈ കമന്റും പരിഗണിക്കാം. ഈ പോസ്റ്റിലെ വിഷയത്തില്‍ താങ്കള്‍ എന്നെ അനുകൂലിച്ചു. അതിനോടുള്ള നന്ദിയും കടപ്പാടും അറിയിക്കട്ടെ. ബാക്കി വിഷയങ്ങള്‍ ശേഷം വരുന്ന പോസ്റ്റില്‍ ചര്‍ച്ച ചെയ്യാം എന്നുദ്ദേഷിക്കുന്നു. താങ്കളുടെ സാന്നിധ്യം സാദരം ക്ഷണിക്കുന്നു.

ബഷീര്‍ പൂക്കോട്ട്‌ said...

സുബൈദ,
നന്ദി. സ്വാഗതം
ഇങ്ങളോട് ഒരെടങ്ങേറുമില്ല കേട്ടോ. ഊഹാപോഹങ്ങളെ പിന്‍ പറ്റരുതെന്ന് വിശുദ്ധ കുര്‍-ആന്‍. രവിചന്ദ്രന്‍ സാര്‍ ഫണ്ട് വാങ്ങിക്കുന്നെങ്കില്‍ തെളിവ് സഹിതം ഇങ്ങള് പുറത്തുകൊണ്ടുവരണം. അങ്ങേരുടെ ആര്‍ഭാടവും ധൂര്‍ത്തും കണക്കില്‍ പെടാത്ത പണവും ഇന്‍കം ടാക്‌സുകാരക്ക് കാണിച്ച് കൊടുക്കണം. അതാണ് ഇന്‍വെസ്റ്റീവ് ജേണലിസം. അല്ലാതെ വെറുതെ ആക്ഷേപിക്കാന്‍ വേണ്ടി വായില്‍ തോന്നുന്ന എഴുതരുത്. സുബൈദ പെണ്‍കുട്ടികളെ വിദേശത്തേക്ക് കയറ്റി അയച്ചാണ് ജീവിക്കുന്നേന്ന് സംശയമുണ്ടെന്ന് വേറൊരു ഊരുംം പേരുമില്ലാത്ത സമീറ ബ്ലോഗെഴുതിയാല്‍ ഇങ്ങളെന്തുചെയ്യും. ഞാന്‍ ഈ ബ്‌ളോഗ് മുഴുവന്‍ കുത്തിയിരുന്ന് വായിച്ചു. ഇങ്ങള് കാരണമാ നാസ്തികനെന്ന തെമ്മോടി ഹുസൈന്‍സാബിനെ തെറി പറഞ്ഞ് പോസ്റ്റിട്ടത്. സാബെന്ത് തെറ്റാ ചെയ്‌തേ ? ഒരുപാട് പുസ്തകം എഴുതിയ ആളാ ഹുസൈന്‍ സാബ്. ഇങ്ങളുകാരണം അങ്ങേരക്കും ചീത്തപ്പേരായി. ഇങ്ങള് ബ്ലോഗിടുന്നത് ഇഷ്ടമില്െലന്ന് പല ബോളഗുകാരും കുറ്റപ്പെടുത്തിയില്ലേ. ഇനി മേലാല്‍ ഇടരുതെന്ന പരഞ്ഞില്ലേ. അതൊന്നും ഇസഌമികമല്ലെന്നാണ് പറഞ്ഞത്. ദീനിന് നെരക്കാത്ത പാണി കാട്ടല്ലേ. മുടിപ്പള്ളിയെ കുറിച്ച് പോസ്റ്റിട്. അത് അനാചാരമാ, ഇസ്ലാമിനെ ആക്ഷേപിക്കലാ നാണക്കേടാ.

കുട്ടികലെ കുറക്കാന്‍ ഇന്ത്യന്‍ മുസഌമിനെ ആരും പഠിപ്പിക്കേണ്ട, നെയമം കാണിച്ച് വെരട്ടേം വേണ്ട. രാജ്യത്തോട് കൂറുള്ളവരാ ഇന്‍യയിലെ 20 കോടി മുസല്‍മാന്‍. ഇന്ന് കൂടുതല്‍ പേര്‍ക്കും രണ്ടു കൂട്ടികളേ ഉള്ളു. എനിക്കും രണ്ടു കുട്ടിയേ ഉള്ളു. പക്ഷെ ഒരു സമുദായത്തെ അടച്ച് ആക്ഷേപിക്കാനായി പിഴയും ജയില്‍ശിക്ഷയും കൊണ്ടുവന്നാല്‍ അത് ചെറുക്കാനുള്ള ചൊണയും ഇന്ത്യന്‍ മുസഌമിനുണ്ട്. പന്നിയെപ്പോലെ പെറ്റുകൂട്ടുന്നത് നിയന്ത്രിക്കാനാണ് നിയമമെന്ന് ചെലവന്‍മാര് വീമ്പിളിക്കുമ്പോഴാണ് അത് വര്‍ഗ്ഗീയമാക്കുന്നത്. ജനസംഖ്യ നിയന്ത്രിക്കണം. അത് എല്ലാരുടേയും ചൊമതലയാ. മുസഌംങ്ങള്‍ക്കും അതറിയാം. അവരത് ചെയ്യും. പക്ഷെ മുസഌമിനെ പാഠം പഠിപ്പിക്കാന്‍ നെയമം കൊണ്ടുവന്നാല്‍ അത് നടക്കൂല്ല, അത് സ്വാമിയായാലും അയ്യപ്പനായാലും. അത് തുറന്ന് പറഞ്ഞതുകൊണ്ട അബിനന്ദിച്ചേ. കാര്യം പറഞ്ഞാ ബഷീറ് കയ്യടിക്കും.

സുബൈദ said...

ബഷീര്‍ താങ്കള്‍ക്ക് പറയുന്നത് മനസ്സിലാകും എന്നാ കരുതിയത്. എന്താ ചെയ്യുക. ഒരിക്കല്‍ പറഞ്ഞാല്‍ മനസ്സിലാകാത്തവരോട് വീണ്ടും വീണ്ടും ആവര്‍ത്തിക്കുക തന്നെ!!...............

ബഹുമാന്യന്‍ പൂകോട്ടെ ബഷീറിന്റെ കമന്റ് വായിച്ചു. അങ്ങയുടെ വികാരത്തള്ളിച്ചയും വെപ്രാളവും മനസ്സിലാകും., അതിനുള്ള കാരണവും മനസ്സിലാകുന്നുണ്ട്. ക്ഷമിക്കുക
മുന്‍ പോസ്റ്റിലെ വിഷയമാണല്ലോ താങ്കള്‍ ഇവിടെ ചര്‍ച്ചക്കെടുത്തത്.. ആ വിഷയം തല്‍കാലം ഈ പോസ്റ്റില്‍ ചര്‍ച്ച ചെയ്തു കൂട്ടിക്കുഴക്കുന്നില്ല. ആ വിഷയം ഒരിക്കല്‍ കൂടി പോസ്റ്റ്‌ ചെയ്യുന്നുണ്ട്. ഇന്‍ഷാ അല്ലാഹ്. അപ്പോള്‍ താങ്കളുടെ ഈ കമന്റും പരിഗണിക്കാം. ഈ പോസ്റ്റിലെ വിഷയത്തില്‍ താങ്കള്‍ എന്നെ അനുകൂലിച്ചു. അതിനോടുള്ള നന്ദിയും കടപ്പാടും അറിയിക്കട്ടെ. ബാക്കി വിഷയങ്ങള്‍ ശേഷം വരുന്ന പോസ്റ്റില്‍ ചര്‍ച്ച ചെയ്യാം എന്നുദ്ദേഷിക്കുന്നു. താങ്കളുടെ സാന്നിധ്യം സാദരം ക്ഷണിക്കുന്നു.

സുബൈദ said...

ബഷീര്‍ താങ്കളുടെ കമന്റുകളോടുള്ള പ്രതികരണം ഇവിടെ തുടങ്ങിയിരിക്കുന്നു. സാനിധ്യം പ്രതീക്ഷിക്കുന്നു.

അശ്വിന്‍ said...

നമസ്കാരം ,
സജിം സാറിന്‍റെ ബ്ലോഗിലെ ലിങ്ക് കണ്ടിട്ട് കയറിയതാണ്. ഒരു ഇടതുപക്ഷ അനുഭവിയയത് കൊണ്ട് സാറിന്‍റെ പോസ്റ്റുകളും അതിലെ കമെന്റുകളും ശ്രദ്ധിക്കാറുണ്ട്.
കൃഷ്ണയ്യര്‍ കമ്മിഷന്റെ നിലപാടുകളോട് യോജിക്കുന്നില്ല കാരണം അവ നടപ്പിലാക്കാന്‍ സാദ്യമല്ല എന്നത് കൊണ്ടുതന്നെ. എങ്കിലും ജനപെരുപ്പം നിയന്ത്രിക്കേണ്ടത് തന്നെയാണ്. ഒരു മനുഷ്യന്‍ പിറന്നു വിഴുമ്പോള്‍ എത്ര ജിവികള്‍ക്ക് വംശനാശം സംഭവിക്കുന്നു എന്ന് ചിന്തിക്കേണ്ടിയിരിക്കുന്നു .

പിന്നെ ദിനോസറുകളുടെ നാശത്തിന് ഒരു കാരണമായി പറയുന്നത് അവയുടെ അവയുടെ അമിതമായ വംശവര്‍ദ്ധനവാന്നല്ലോ . മനുഷ്യനും പെരുകി പെരുകി ഒടുവില്‍ പരസ്പരം കടിച്ചു തിന്നുന്ന അവസ്ഥയില്‍ എത്തുന്നതാണോ നല്ലത് ?

ഇവിടെ ഒരു കമ്മീഷന്‍ റിപ്പോര്‍ട്ട്‌ മാത്രമേ കൃത്യമായും വേഗത്തിലും നടപ്പക്കിയിട്ടുല്ല് അത് പെട്രോളിയം കമ്മിഷന്റെ റിപ്പോര്‍ട്ട്‌ ആണെന്ന് കൃഷ്ണയ്യര്‍ക്ക് അറിയാതിരിക്കാന്‍ വഴിയില്ലല്ല്ലോ. ചില മത പുരോഹിതന്മാര്‍ 5 മത്തെ കുട്ടിക്ക് വന്‍ ഓഫര്‍ പ്രഖ്യാപിച്ചു നടക്കുമ്പോള്‍ അദ്ദേഹവും ആഗ്രഹിച്ചിട്ടുണ്ടാവുക ഈ വിവാദം തന്നെയവില്ലെന്നു ആരു കണ്ടു ..

താങ്കളുടെ ചില മറുപടി കമെന്റുകള്‍ ആക്ഷേപിക്കുന്ന തരത്തില്‍ ആകുന്നില്ലേ എന്നൊരു സംശയം ? സംശയം മാത്രമാകാം !

BIG B said...

കമന്റ്‌ എഴുതിയവരുടെ കമെന്റുകള്‍ veendum കോരിയിട്ടു മറുപടി എഴുതുന്നതെന്തിനാ.. @ ഇന്ന ആള്‍ എന്ന് എഴുതിയാല്‍ പോരെ ..മനുഷ്യനെ മിനക്കെടുതാനാണോ ,അതോ നിങ്ങള്‍ L P SCHOOL ടീച്ചര്‍ ആണോ ?..ബാക്കിയെല്ലാം നിങ്ങളുടെ പോസ്റ്റ്‌ നോട് പൂര്‍ണ്ണമായും യോജിക്കുന്നു..

സുബൈദ said...

ഡിയര്‍ അശ്വിന്‍
താങ്കളുടെ ചില നിലപാടുകളോട് വിയോജിക്കുന്നു.

"ജനപെരുപ്പം നിയന്ത്രിക്കേണ്ടത് തന്നെയാണ്. ഒരു മനുഷ്യന്‍ പിറന്നു വിഴുമ്പോള്‍ എത്ര ജിവികള്‍ക്ക് വംശനാശം സംഭവിക്കുന്നു"

ഈ വാദം തികച്ചും ബാലിശമാണ്. ഭുമിയിലെ മറ്റു ജീവജാലങ്ങള്‍ നശിക്കാതിരിക്കാന്‍ മനുഷ്യനെ........... മനുഷ്യനെ നശിപ്പിക്കണമെന്നു പറഞ്ഞാല്‍!!!!................. എങ്ങനെ പ്രതികരിക്കും?
ഈ വിഷയത്തില്‍ അലി ചെമ്മാട് ഇട്ട ലിങ്ക് കൂടുതല്‍ വായനക്ക് നിര്‍ദ്ദേശിക്കുന്നു.

"പിന്നെ ദിനോസറുകളുടെ നാശത്തിന് ഒരു കാരണമായി പറയുന്നത് അവയുടെ അവയുടെ അമിതമായ വംശവര്‍ദ്ധനവാന്നല്ലോ . മനുഷ്യനും പെരുകി പെരുകി ഒടുവില്‍ പരസ്പരം"

ദിനോസറുകള്‍ നശിച്ചത് അംഗസംഖ്യ കൂടിയത് കൊണ്ടാണെന്നത് ഒരു വസ്തുനിഷ്ഠ ശാസ്ത്രീയ കണ്ടു പിടുത്തമൊന്നുമല്ല
പല അഭിപ്രായങ്ങളില്‍ ഒന്ന് മാത്രമാണ്. ഉല്‍ക്കാപതനവും, പ്രകൃതി ദുരന്തവുമെല്ലാം അക്കൂട്ടത്തില്‍ വരും. അതെല്ലാം ആവാസവ്യവസ്ഥിതിയുടെ ഭാഗം മാത്രമാണ്. ദിനോസറുകള്‍ ഭൂമിയില്‍ നിലവിലില്ല എന്നത് കൊണ്ടോ, അവ മുമ്പ് ഭുമിയില്‍ നിലനിന്നിരുന്നു എന്നത് കൊണ്ടോ ഇന്ന്‍ ഭൂമിയിലെ സന്തുലിതാവസ്തക്കോ, ആവാസവ്യവസ്തക്കോ എന്തെങ്കിലും പോരയ്മയുണ്ടോ.?. ഓരോ മനുഷ്യക്കുഞ്ഞും പിറന്നു വീഴുന്നതും ഭക്ഷണം കഴിക്കാനുള്ള ഒരു വായും കൊണ്ടാണെങ്കില്‍, അവന്‍ അധ്വാനിക്കാനുള്ള രണ്ടു കൈകളും കൂടെ കൊണ്ട് വരുന്നുണ്ട് എന്നത് ഒരു യഥാര്‍ത്യമാണ്.

മാത്രമല്ല ഇന്നിന്റെ കേരളം കുട്ടികളില്ലാത്ത കേരളമെങ്കില്‍ നാളെയുടെ കേരളം വൃദ്ധകേരളമായി മാറിക്കൊണ്ടിരിക്കുന്നു എന്നത് ഒരു വസ്തുത മാത്രമാണ്.

കൃഷ്ണയ്യര്‍ വിവാദമുണ്ടാകട്ടെ എന്ന് കരുതിയാണ് ഇങ്ങനെ നിര്‍ദ്ദേശം നല്‍കിയതെങ്കില്‍ തീര്‍ച്ചയായും അത് ഖേദകരം മാത്രമല്ല തീര്‍ച്ചയായും ഏറെ അപലപനീയവും പ്രതിഷേധകരവും തന്നെയാണ്. അദ്ദേഹം ഒരു രാഷ്ട്രീയ നേതാവിന്റെ റോളില്‍ വെറുംഒരു പ്രസ്താവന നടത്തിയതല്ല. കേരളത്തിന്റെ ഭാവി നയവും നിയമവും എന്താകണമെന്നു നിര്‍ദ്ദേശിച്ചതാണ്. ആ നിര്‍ദ്ദേശം വികാരപ്രകടനത്തിന്റെ തറ നിലവാരത്തിലേക്ക് താഴ്ന്നു എന്ന് പറഞ്ഞാല്‍!!!.....

ശ്രീ കൃഷ്ണയ്യരെ, അദ്ദേഹത്തിന്റെ പ്രായത്തിന്റെ ആനുകൂല്യം അനുവദിച്ചു വിലയിരുത്തുകയാവും അദ്ദേഹത്തിന് നല്‍കാവുന്ന ആദരവ്.

എന്റെ കമന്റുകളില്‍ ചിലത് ഏറെ കടുപ്പമുള്ള ഭാഷയിലാണെന്നുള്ളത് വാസ്തവമാണ്. താങ്കളുടെ കമന്റിനെ വിലയിരുത്തിയതില്‍ അങ്ങനെ ഒരു രീതി സ്വീകരിക്കേണ്ടിവന്നിട്ടില്ല. ഇങ്ങനെ രൂക്ഷമായി പ്രതികരിക്കേണ്ടി വരുന്നത്. പറയുന്നതിലുള്ള ആത്മാര്‍ത്ഥതയും ആത്മവിശ്വാസവും ചങ്കുറപ്പും കൊണ്ടാണ്. ആ ശൈലി വേദനപ്പെടുത്തുന്നുവെങ്കില്‍ ക്ഷമ ചോദിക്കുന്നു.

സുബൈദ said...

@ബിഗ്‌ ബി
താങ്കളുടെ നിര്‍ദ്ദേശം പരമാവധി പാലിക്കാന്‍ പരിശ്രമിക്കും.
ഇനിയും ഇത്തരം ഗുണദോശിക്കലുകളും ശാസനകളും ഏറെ സന്തോഷത്തോടെ സ്വാഗതം ചെയ്യുന്നു.
ഏറെ സന്തോഷത്തോടെ ഈ ഉപദേശം സ്വീകരിക്കട്ടെ അഞ്ചരമാസത്തിനിടക്ക് ഇങ്ങനെ ഒരു ഉപദേശം ആദ്യമായാണ് ലഭിച്ചത്.
നന്ദി

സുബൈദ said...

ഊരും പേരും ഇല്ലാത്തവളുടെ ദയാഹര്‍ജി

സുബൈദ said...

മലയാളം ടി വി ചാനലുകളില്‍ യുക്തിവാദ പ്രചാരകനായി പരിപാടികള്‍ അവതരിപ്പിക്കുന്ന മുഹമ്മദ്‌ ഖാന്‍ എന്ന യുക്തിയുടെ, എന്റെ പോസ്റ്റുകളെ വിമര്‍ശിച്ചു ''സുബൈദമാരുടെ കരച്ചില്‍'' എന്ന പോസ്ടിനോടുള്ള പ്രതികരണം രണ്ടാം ഭാഗം

ഒന്നാം ഭാഗം ഇവിടെ

paltalk said...

ee krishna iyer paranhathu muslimkalku mathram rantu kuttikal mathi ennano?